ചെന്നൈ: സിനിമാ ചിത്രീകരണത്തിനിടെ സ്റ്റണ്ട്മാന് ദാരുണാന്ത്യം. കാര്ത്തി നായകനാകുന്ന സര്ദാര് 2 സിനിമയിലെ സ്റ്റണ്ട്മാനാണ് അപകടത്തില്പെട്ടത്. സ്റ്റണ്ട്മാൻ ഏഴുമലയാണ് മരിച്ചത്. നിര്ണായകമായ ഒരു സംഘട്ടന രംഗം ചിത്രീകരിക്കുന്നതിനിടെയാണ് അപകടമുണ്ടായത്
തമിഴകത്തെ ഞെട്ടിച്ചിരിക്കുകയാണ് ദാരുണമായ സംഭവം. ചെന്നൈ പൊലീസ് അന്വേഷണം തുടങ്ങി.
സംഘട്ടന രംഗം ചിത്രീകരിക്കുന്നതിനിടെ 20 അടി ഉയരത്തില് നിന്ന് എഴുമല വീഴുകയായിരുന്നു. തലയ്ക്ക് പരിക്കേറ്റതിനെ തുടര്ന്ന് തലച്ചോറില് രക്തം കട്ടപിടിക്കുകയായിന്നു. ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല.
ജൂലൈ 15 നാണ് ആക്ഷന് രംഗങ്ങളുടെ ചിത്രീകരണം ആരംഭിച്ചത്. എഴുമലയുടെ വിയോഗത്തില് ചിത്രീകരണം നിര്ത്തിവച്ചു.
