നെയ്യാറ്റിന്കര: അമരവിള ചെക്ക്പോസ്റ്റില് 1.5 കോടിയുടെ സ്വര്ണാഭരണങ്ങളുമായി രണ്ടുപേര് പിടിയില്. 2.250 കിലോ സ്വര്ണം കടത്തിക്കൊണ്ട് വന്ന തൃശ്ശൂര് സ്വദേശികളായ ജിജോ (38,) ശരത് (36) എന്നിവരെ എക്സൈസ് സംഘം ജിഎസ്ടി വകുപ്പിന് കൈമാറി. ഒമ്പത് ലക്ഷം രൂപ പിഴയും ചുമത്തി.
കഴിഞ്ഞ ദിവസം വൈകുന്നേരം നാഗര്കോവിലില് നിന്നും തിരുവനന്തപുരത്തേയ്ക്ക് വരികയായിരുന്ന കെഎസ്ആര്ടിസി ഫാസ്റ്റ് പാസഞ്ചര് ബസില് നിന്നാണ് ഇവരെ പിടികൂടിയത്. അസിസ്റ്റന്റ് എക്സൈസ് ഇന്സ്പെക്ടര്. ഡി. സന്തോഷിന്റെ നേതൃത്വത്തില് സിവില് എക്സൈസ് ഓഫീസര്മാരായ അനീഷ് എസ്.എസ്., അരുണ് സേവ്യര്, ലാല്കൃഷ്ണ എന്നിവര് നടത്തിയ വാഹന പരിശോധനയില് ആണ് സ്വര്ണംപിടികൂടിയത്.
