ന്യൂദല്‍ഹി : മദ്യനയ അഴിമതിക്കേസില്‍ പ്രതിയായി തിഹാര്‍ ജയിലില്‍ കഴിയുന്ന ബി ആര്‍ എസ് നേതാവ് കെ കവിതയെ കടുത്ത പനിയെ തുടര്‍ന്ന് ആശുപത്രിയില്‍ പ്രവേശിപ്പിച്ചു. കുഴഞ്ഞുവീണതിനെ തുടര്‍ന്നാണ് കവിതയെ ആശുപത്രിയില്‍ പ്രവേശിപ്പിച്ചത്.
ന്യൂദല്‍ഹിയിലെ ഡി ഡി യു ആശുപത്രിയിലാണ് കവിതയെ പ്രവേശിപ്പിച്ചത്.
ദല്‍ഹി മദ്യനയ അഴിമതിയുമായി ബന്ധപ്പെട്ട കള്ളപ്പണം വെളുപ്പിക്കല്‍ കേസില്‍ മാര്‍ച്ച് 15 നാണ് കവിതയെ ഇ ഡി അറസ്റ്റ് ചെയ്തത്. ദല്‍ഹി സര്‍ക്കാരിന്റെ കീഴിലായിരുന്ന മദ്യവില്‍പനയുടെ ലൈസന്‍സ് 2012 ല്‍ സ്വകാര്യമേഖലയ്‌ക്ക് കൈമാറിയതില്‍ അഴിമതി നടന്നതായി ഇ ഡി കണ്ടെത്തിയ പശ്ചാത്തലത്തിലാണിത്.
കള്ളപ്പണം വെളുപ്പിക്കലും നടന്നെന്ന് ഇ ഡി കണ്ടെത്തിയിരുന്നു. ദല്‍ഹി മദ്യനയക്കേസില്‍ പിന്നീട് മുഖ്യമന്ത്രി അരവിന്ദ് കെജ്രിവാളും അറസ്റ്റിലായി.
