മുംബയ് : ഇന്ത്യയുടെ ശ്രീലങ്കന് പര്യടനത്തിനുള്ള ടീം ഉടന് പ്രഖ്യാപിക്കും. ഗൗതം ഗംഭീര് പരിശീലകനായി എത്തിയ ശേഷമുള്ള ഇന്ത്യയുടെ ആദ്യ പരമ്പര ആണിത്.
ക്യാപ്റ്റനായി സൂര്യകുമാര് യാദവിനെ പരിഗണിക്കുന്നെന്ന് വാര്ത്തയുണ്ട്. ഉപനായകന് ഹാര്ദിക് പാണ്ഡ്യയുമായി ഇക്കാര്യം ബി സി സി ഐ അധികൃതര് സംസാരിച്ചെന്നാണ് വിവരം.
ഇന്ത്യ മൂന്ന് വീതം ടി20 മത്സരങ്ങളും ഏകദിന മത്സരങ്ങളും ആണ് ഈ പര്യടനത്തില് കളിക്കുന്നത്. രോഹിത് ശര്മ്മയും കോഹ്ലിയും ഇല്ലാത്ത പര്യടനത്തില് രാഹുല് ഏകദിനത്തില് ഇന്ത്യയെ നയിക്കും. സഞ്ജു സാംസണ് രണ്ട് ടീമിലും സ്ഥാനം നേടും എന്നാണ് റിപ്പോര്ട്ടുകള്. ജൂലൈ 27ന് ആണ് പരമ്പര തുടങ്ങുന്നത്.
