ന്യൂദൽഹി: ബോംബെ ഹൈക്കോടതിയിലെ മുതിർന്ന ജഡ്ജിമാരിലൊരാളായ ജസ്റ്റിസ് നിതിൻ മധുകർ ജംദാറിനെ കേരളാ ഹൈക്കോടതി ചീഫ് ജസ്റ്റിസായി നിയമിക്കാൻ സുപ്രീംകോടതി കൊളീജിയം ശുപാർശ ചെയ്തു. നിലവിലെ കേരളാ ഹൈക്കോടതി ചീഫ് ജസ്റ്റിസ് ആയിരുന്ന ആശിഷ് ജെ ദേശായി 2024 ജൂലൈ 4 ന് വിരമിച്ച സാഹചര്യത്തിലാണ് പുതിയ ചീഫ് ജസ്റ്റിസിന്റെ നിയമനം.
ഷോലാപ്പൂർ സ്വദേശിയായ ജസ്റ്റിസ് നിതിൻ ജംദാർ 2012 ജനുവരി 23 നാണ് ബോംബെ ഹൈക്കോടതി ജഡ്ജിയായി നിയമിതനാകുന്നത്. ചീഫ് ജസ്റ്റിസ് കഴിഞ്ഞാൽ ബോംബെ ഹൈക്കോടതിയിലെ ഏറ്റവും മുതിർന്ന ജഡ്ജിയാണ് ജസ്റ്റിസ് നിതിൻ ജംദാർ.
മുൻപ് കേന്ദ്ര സർക്കാരിന്റെ സ്റ്റാന്റിംഗ് കൗൺസിൽ അംഗമായിരുന്നു. ബോംബെ ഹൈക്കോടതിയുടെ ആക്ടിങ് ചീഫ് ജസ്റ്റിസായും അദ്ദേഹം സേവനമനുഷ്ഠിച്ചിട്ടുണ്ട്. 2026 ജനുവരി 9 നാണ് അദ്ദേഹത്തിന്റെ കാലാവധി പൂർത്തിയാകും.
/
