തൃശൂര്:നഗരസഭയില് മേയര്-സിപിഐ പോര് കൂടുതല് മുറുകുന്നു. മേയര് എം കെ വര്ഗീസിനോടുളള എതിര്പ്പിന്റെ പശ്ചാത്തലത്തില് മുനിസിപ്പല് കോര്പറേഷന് വിദ്യാഭ്യാസ പുരസ്കാര ചടങ്ങ് സിപിഐ ബഹിഷ്കരിച്ചു. മുഖ്യാതിഥിയായിരുന്ന സിപിഐയുടെ എംഎല്എ, പി ബാലചന്ദ്രനും നാല് കൗണ്സിലര്മാരും പങ്കെടുത്തില്ല.
തെരഞ്ഞെടുപ്പിന് മുന്നേ മേയര് എം കെ വര്ഗീസ് സുരേഷ് ഗോപിയെ പ്രശംസിച്ചത് സി പി ഐയെ ചൊടിപ്പിച്ചിരുന്നു. പ്രകീര്ത്തനം വീണ്ടും ആവര്ത്തിച്ചതാണ് സിപിഐയെ ഇപ്പോള് ബഹിഷ്കരണത്തിലേക്ക് നയിച്ചത്. അടുത്ത ദിവസങ്ങളില് മേയര്ക്കെതിരെ സിപി ഐ പരസ്യമായി രംഗത്ത് വന്നിരുന്നു. ഇതിന്റെ തുടര്ച്ചയാണ് മുനിസിപ്പല് കോര്പ്പറേഷന്റെ അവാര്ഡ് ദാനചടങ്ങ് ബഹിഷ്കരണം. മേയറെ മാറ്റണമെന്നും സി പി ഐ ആവശ്യപ്പെട്ടെങ്കിലും സി പി എം അനുകൂല നിലപാടല്ല സ്വീകരിച്ചത്.
അതേസമയം സിപിഐ അംഗങ്ങള് പങ്കെടുക്കാത്തത് എന്തെന്ന് അറിയില്ലെന്നാണ് മേയര് പറഞ്ഞു. എന്തെങ്കിലും അസുഖമുള്ളതുകൊണ്ടാണോ വരാത്തതെന്നറിയില്ലെന്നും മേയര് പരിഹാസമുയര്ത്തി.
