ചെന്നൈ: തമിഴ്‌നാട്ടില്‍ ഗുണ്ടാ നേതാവിനെ പൊലീസ് വെടിവെച്ച് കൊലപ്പെടുത്തി.തിരുച്ചിറപ്പള്ളി പുതുക്കോട്ടയില്‍ വച്ച് ദുരൈ (40)യെ ആണ് പൊലീസ് വെടിവെച്ച് കൊന്നത്. ഏറ്റുമുട്ടല്‍ കൊലയാണ് നടന്നതെന്നാണ് ആരോപണം.
വനപ്രദേശത്ത് ഗുണ്ടകള്‍ ഒളിച്ചിരിക്കുന്നെന്ന വിവരത്തിന്റെ അടിസ്ഥാനത്തിലാണ് അറിഞ്ഞാണ് പൊലീസ് സ്ഥലത്തെത്തിയത്.തുടര്‍ന്നാണ് ദുരൈയെ വെടിവെച്ച് കൊലപ്പെടുത്തിയത്. എന്നാല്‍ ഇന്‍സ്‌പെക്ടറെ വെട്ടിയപ്പോള്‍ പ്രാണരക്ഷാര്‍ത്ഥം വെടിവയ്‌ക്കേണ്ടി വന്നുവെന്നാണ് പൊലീസ് ഭാഷ്യം.അഞ്ച് കൊലക്കേസ് ഉള്‍പ്പെടെ 69 കേസുകളില്‍ പ്രതിയാണ് ദുരൈ.പരിക്കേറ്റ പൊലീസുദ്യോഗസ്ഥന്റെ ചിത്രം ഉള്‍പ്പെടെ പൊലീസ് പുറത്തുവിട്ടിട്ടുണ്ട്.
ദുരൈുടെ നെഞ്ചിനും കാലിനും വെടിയേറ്റിട്ടുണ്ട്. പുതുക്കോട്ട സര്‍ക്കാര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് കൈമാറും .
