തിരുവനന്തപുരം: വിഴിഞ്ഞം തുറമുഖം യാഥാര്ത്ഥ്യമാകുന്നത് പിണറായി സര്ക്കാരിന്റെ ഇച്ഛാശക്തിയിലാണെന്നു പറഞ്ഞ് ഊറ്റം കൊള്ളുന്നവര്ക്ക് മറുപടിയുമായി ബിജെപി വക്താവ് സന്ദീപ് വാചസ്പതി.
‘ഛര്ദ്ദില് വാരി വിഴുങ്ങാന് നിങ്ങള്ക്ക് സാധിക്കുമോ? പക്ഷേ ചിലര്ക്ക് കഴിയും. അവരുടെ പേരാണ് കമ്മ്യൂണിസ്റ്റുകള് ‘ എന്ന് പറഞ്ഞുകൊണ്ട് എഴുതിയ ഫേസ് ബുക്ക് കുറിപ്പിലാണ് സന്ദിപ് വിഴിഞ്ഞം തുറമുഖം വൈകിപ്പിച്ചവര്ക്ക് വരും തലമുറ മാപ്പു നല്കില്ലന്നും പറയുന്നു.. വിഴിഞ്ഞം തുറമുഖ പദ്ധതി തുടങ്ങിയപ്പോള് ‘ കടല്കൊള്ള’ എന്ന തലക്കെട്ടിലും ഇപ്പോള് സ്വാഗതം ചെയ്തു വാര്ത്ത എഴുതിയ ദേശാഭിമാനി പത്രത്തിന്റെ ചിത്രസഹിതമുള്ള കുറിപ്പിന്റെ പൂര്ണ്ണരുപം
ഛര്ദ്ദില് വാരി വിഴുങ്ങാന് നിങ്ങള്ക്ക് സാധിക്കുമോ? പക്ഷേ ചിലര്ക്ക് കഴിയും. അവരുടെ പേരാണ് കമ്മ്യൂണിസ്റ്റുകള്. സര് സി പി രാമസ്വാമി അയ്യര് വിഭാവനം ചെയ്തതാണ് വിഴിഞ്ഞം തുറമുഖം. എം.വി രാഘവന്, ഉമ്മന്ചാണ്ടി എന്നിവരുടെ പരിശ്രമവും നരേന്ദ്രമോദി സര്ക്കാരിന്റെ ഇടപെടലും മൂലമാണ് പദ്ധതി യാഥാര്ഥ്യമായത്. നിരവധി അപവാദങ്ങളും കുപ്രചരണങ്ങളും മറികടന്ന് ഒരു നാടിന്റെ സ്വപ്നത്തിന് കൂട്ടു നിന്ന അദാനിയുടെ നിശ്ചയദാര്ഢ്യമാണ് പദ്ധതിക്ക് ജീവന് നല്കിയത്. മുന് സര്ക്കാര് ഒപ്പിട്ട പദ്ധതി മുന്നോട്ട് കൊണ്ടു പോവുക എന്നത് പിന്നീട് വരുന്ന ഓരോ ഭരണകൂടത്തിന്റെയും ബാധ്യതയാണ്. (കരാര് പാലിച്ചില്ല എങ്കില് ഭീമമായ നഷ്ടപരിഹാരം കേരള സര്ക്കാര് അദാനിക്ക് നല്കേണ്ടി വരും.) അത് നിറവേറ്റുക മാത്രമാണ് ഇടത് സര്ക്കാര് ചെയ്തത്. പക്ഷേ കേരള വികസനം പതിറ്റാണ്ടുകളോളം വൈകിപ്പിച്ചവര് എന്ന ദുഷ്പേര് എത്ര അച്ച് നിരത്തിയാലും മായ്ക്കാനാവില്ല. വരും തലമുറ നിങ്ങള്ക്ക് മാപ്പ് നല്കില്ല.
