തൃശൂര് : മുളങ്കുന്നത്തുകാവില് ഇരുചക്ര വാഹന സ്പെയര്പാര്ട്സ് ഗോഡൗണിലുണ്ടായ തീപിടുത്തതില് യുവാവ് വെന്ത് മരിച്ചു. പാലക്കാട് സ്വദേശി നിബിന് (22) ആണ് മരിച്ചത്. ഗോഡൗണില് വെല്ഡിംഗ് തൊഴിലാളിയായിരുന്നു നിബിന്.
ചൊവ്വാഴ്ച രാത്രി ഏട്ട് മണിയോടെ ആണ് സംഭവം. കോഴിക്കുന്ന് സ്വദേശികളായ സഹോദരങ്ങളുടെ ഉടമസ്ഥതയിലുള്ള ഓട്ടോനിറ്റി എന്ന സ്ഥാപനത്തിലാണ് തീപിടുത്തമുണ്ടായത്. വലിയ സാമ്പത്തിക നഷ്ടം സംഭവിച്ചതായാണ് വിലയിരുത്തല്.
വടക്കാഞ്ചേരിയില് നിന്ന് അഗ്നിശമന സേനയുടെ രണ്ട് യൂണിറ്റ് ഉദ്യോഗസ്ഥരാണ് ആദ്യം സ്ഥലത്തെത്തിയത്. പിന്നീട് കൂടുതല് യൂണിറ്റുകളെ എത്തിച്ചു. തീ നിയന്ത്രണവിധേയമാക്കാനുളള ശ്രമങ്ങള് തുടരുകയാണ്.
