പുരി: ഇതൊക്കെയാണ് യഥാര്ത്ഥ മനുഷ്യച്ചങ്ങല. ലക്ഷക്കണക്കിന് ഭക്തര് തിക്കിത്തിരക്കുന്ന ഒഡിഷയിലെ പുരി ജഗന്നാഥക്ഷേത്രത്തില് അപകടത്തിലായവരെ സുഗമമായി ആബുലന്സില് കൊണ്ടുപോകുന്നതിനുള്ള വഴിയൊരുക്കാന് ആര്എസ് എസ് തീര്ത്ത മനുഷ്യച്ചങ്ങല വൈറലായി. ലോകമെങ്ങും ആര്എസ്എസിന്റെ മനുഷ്യച്ചങ്ങലയെ വാഴ്ത്തുകയാണ്.
ആര്എസ്എസ് തീര്ത്ത മനുഷ്യച്ചങ്ങലയ്ക്കുള്ളിലൂടെ സുരക്ഷിതമായി കടന്നുപോകുന്ന ആംബുലന്സ്- വീഡിയോ
BIG NEWS 🚨 RSS swayamsevaks form a human chain to create an ambulance corridor during Rath Yatra in Puri.
Video is viral. Entire world praising RSS !! pic.twitter.com/be1c9b2K3u
— News Algebra (@NewsAlgebraIND) July 8, 2024
ലക്ഷക്കണക്കിന് ഭക്തര് ചുറ്റും തിക്കിത്തിരക്കുമ്പോഴാണ് ആര്എസ്എസ് പ്രവര്ത്തകര് അതിനിടയില് രണ്ടുവരിയിലായി മനുഷ്യച്ചങ്ങല തീര്ത്ത് നടുവിലൂടെ ആംബലന്സിനെ കടത്തിവിട്ടത്. ആര്എസ് എസ് പ്രവര്ത്തകരുടെ മനുഷ്യച്ചങ്ങലയ്ക്കുള്ളിലൂടെ ഒരു തടസ്സവുമില്ലാതെ ആംബുലന്സ് പോകുന്ന കാഴ്ച ആരെയും കോരിത്തരിപ്പിക്കുന്നതാണ്. ഒരു അപകടസ്ഥലത്ത് നടന്ന കിറുകൃത്യമായ ആസൂത്രണം. പരമ്പരാഗത യൂണിഫോമായ കാക്കിട്രൗസറും വെള്ള ഷര്ട്ടുമണിഞ്ഞ ആര്എസ്എസുകാരന് നിരയായി കൈകോര്ത്ത് പിടിച്ച് നില്ക്കുന്നതും വീഡിയോയില് കാണാം.
പുരി ജഗന്നാഥക്ഷേത്രത്തിലെ രഥയാത്രയോടനുബന്ധിച്ച് തിക്കിലും തിരക്കിലും പെട്ട് ഒട്ടേറെപ്പേര്ക്ക് പരിക്കേറ്റിരുന്നു. ഇവരെ അടിയന്തരമായി ആശുപത്രിയില് എത്തിക്കാനായിരുന്നു ആര്എസ്എസ് പ്രവര്ത്തകരുടെ ഇടപെടല് ഉണ്ടായത്. ആര്എസ്എസ് പ്രവര്ത്തകര് തീര്ത്ത മനുഷ്യച്ചങ്ങലയ്ക്കിടയിലൂടെ ആംബുലന്സ് പോകുന്നതിന്റെ വീഡിയോയ്ക്ക് ഇന്ത്യയ്ക്ക് ഉള്ളില് നിന്നു മാത്രമല്ല, വിദേശത്ത് നിന്നും നിരവധി അഭിനന്ദനസന്ദേശങ്ങളാണ് എത്തുന്നത്.
