ജനപ്രീതി നേടിയ ടെലിവിഷൻ പരിപാടികളിൽ ഒന്നാണ് ഫ്ളവേഴ്സ് ഒരുകോടി ഷോ. ഈ പ്രോഗ്രാമിന്റെ പുതിയ സീസൺ ആരംഭിച്ചത് അടുത്തിടെയാണ്. ട്വന്റിഫോർ ചീഫ് എഡിറ്റർ ആർ ശ്രീകണ്ഠൻ നായർ അവതാരകനായി എത്തുന്ന പരിപാടിയിൽ ആദ്യ അതിഥിയായി എത്തിയത് ചലച്ചിത്ര താരം ധ്യാൻ ശ്രീനിവാസൻ ആയിരുന്നു.
ഫ്ളവേഴ്സ് ഒരു കോടിയുടെ പുതിയ എപ്പിസോഡിന്റെ പ്രൊമോ ആണ് സമൂഹമാധ്യമങ്ങളിൽ വൈറലാവുന്നത്. ജഗദീഷാണ് ഷോയിൽ ഗസ്റ്റായി എത്തിയത്. എന്നാൽ പരിപാടിയ്ക്കിടയിൽ ജഗദീഷും ശ്രീകണ്ഠൻ നായരും തമ്മിൽ അഭിപ്രായ വ്യത്യാസമുണ്ടാവുന്നതും ജഗദീഷ് ഇറങ്ങിപ്പോവുന്നതുമാണ് പ്രൊമോയിൽ കാണാനാവുക. രൂക്ഷമായി പരസ്പരം കൈചൂണ്ടി വാദിക്കുന്ന ശ്രീകണ്ഠൻ നായരെയും ജഗദീഷിനെയും വീഡിയോയിൽ കാണാം.
കളിച്ചുകളിച്ച് കളി കാര്യമാവുമോ?” എന്ന വോയ്സ് ഓവറോടെയാണ് ഈ പ്രൊമോ എത്തിയിരിക്കുന്നത്.
യഥാർത്ഥത്തിൽ പ്രശ്നമുണ്ടായതാണോ, അതോ പ്രൊമോ വീഡിയോ ആകർഷകമാക്കാൻ വേണ്ടി ഇരുവരും പ്ലാൻ ചെയ്ത പ്രാങ്ക് ആണോ എന്നൊക്കെയാണ് പ്രേക്ഷകർ സംശയം ഉന്നയിക്കുന്നത്.
എന്തായാലും, എന്താണ് ഫ്ളവേഴ്സ് ഒരു കോടിയുടെ വേദിയിൽ സംഭവിച്ചത് എന്നറിയാനുള്ള ആകാംക്ഷയുണ്ടാക്കുന്നതാണ് ഈ പ്രൊമോ വീഡിയോ.
