യൂറോപ്യന് ചാമ്പ്യന് ഷിപ്പ് പ്രീക്വാര്ട്ടറിയില് സ്ലൊവേനിയയ്ക്കെതിരെ പെനാല്റ്റിയെടുത്ത പോര്ച്ചുഗല്താരം ക്രിസ്റ്റ്യാനോ റൊണാള്ഡോയുടെ ഷൂട്ട് പാഴായി. ഇതോടെ ബിബിസി ക്രിസ്റ്റ്യാനോ റൊണാള്ഡോയ്ക്ക് പുതിയ പേരും നല്കി: ‘മിസ്റ്റ്യാനോ പെനാള്ഡോ’.
പെനാല്റ്റി പാഴാക്കിയ ക്രിസ്റ്റ്യാനോ റൊണാള്ഡോ പൊട്ടിക്കരയുന്നത് സമൂഹമാധ്യമങ്ങളില് പ്രചരിച്ചിരുന്നു. അനുവദിച്ച സമയത്ത് സമനിലയായതിനാല് എക്സ്ട്രാ ടൈമിലേക്ക് കളി നീണ്ടിരുന്നു. 103ാം മിനിറ്റിലാണ് പോര്ച്ചുഗലിന് പെനാല്റ്റി വീണുകിട്ടിയത്. ഈ പെനാല്റ്റി ഗോളായാല് പോര്ച്ചുഗല് ജയിക്കും. പെനാല്റ്റി എടുക്കുന്നതോ അതില് സ്പെഷ്യലിസ്റ്റായ ക്രിസ്റ്റ്യാനോ റൊണാള്ഡോയും. പക്ഷെ നിര്ഭാഗ്യവശാല് സ്ലോവാനിയയുടെ ഗോളി ജാന് ഒബ്ലാക് ഇടത്തോട്ട് ഡൈവ് ചെയ്ത് തട്ടിയകറ്റുകയായിരുന്നു.
ഇത് കണ്ട ബിബിസി കമന്റേറ്റര് അറിയാതെ പറഞ്ഞുപോയി- ‘മിസ്റ്റ്യാനോ പെനാള്ഡോ’.പരിഹസിച്ച് വിളിച്ച ഈ പേര് ഞൊടിയിടയില് സമൂഹമാധ്യമങ്ങളില് വൈറലാവുകയും ചെയ്തു. ഇതോടെ ബിബിസിയ്ക്കെതിരെ തിരിഞ്ഞിരിക്കുകയാണ് ക്രിസ്റ്റ്യാനോ റൊണാള്ഡൊ ആരാധകര്.
പക്ഷെ ഭാഗ്യമായത് എക്സ്ട്രാ ടൈമും സമനിലയില് കലാശിച്ചപ്പോള് വിജയിയെ തീരുമാനിക്കാന് പെനാല്റ്റി ഷൂട്ടൗട്ട് വേണ്ടിവന്നു. ഇതില് ആദ്യ പെനാല്റ്റി ക്രിസ്റ്റ്യാനോ റൊണാള്ഡോ ഗോളാക്കി. പോര്ച്ചുഗല് ഗോളി ഡിയൊഗൊ കോസ്റ്റ സ്ലൊവാനിയയുടെ മൂന്ന് പെനാല്റ്റി തടുത്തു. ഇതോടെ പോര്ച്ചുഗല് ജയിച്ച് ക്വാര്ട്ടറില് കടന്നു.
