കൊടുങ്ങല്ലൂര്‍: എസ്എന്‍ഡിപി യോഗം ഓഫീസിന് നേരെ ആക്രമണം. കൊടുങ്ങല്ലൂര്‍ യൂണിയനിലെ 2055-ാം നമ്പര്‍ നാരായണമംഗലം ശാഖക്കു നേരെയാണ് ആക്രമണം നടന്നത്.
ശാഖ ഓഫീസില്‍ സ്ഥാപിച്ച ഗുരുദേവ ചിത്രം താഴെയിട്ട് പൊട്ടിച്ച നിലയിലാണ്. ഓഫീസിന്റെ ജനല്‍ചില്ലുകള്‍ തല്ലി പൊട്ടിച്ച നിലയിലുമാണ് കാണപ്പെട്ടത്. സംഭവത്തില്‍ എസ്എന്‍ഡിപി കൊടുങ്ങല്ലൂര്‍ യൂണിയന്‍ പ്രതിഷേധിച്ചു. ഗുരുദേവ ചിത്രം നശിപ്പിക്കുകയും ജനല്‍ ചില്ലകള്‍ തകര്‍ക്കുകയും ചെയ്ത സാമൂഹ്യ ദ്രോഹികളെ കണ്ടെത്തി കര്‍ശന ശിക്ഷാ നടപടികള്‍ കൈക്കൊള്ളണമെന്നും യൂണിയന്‍ ആവശ്യപ്പെട്ടു.
അഡ്മിനിസ്‌ട്രേറ്റീവ് കമ്മറ്റി ചെയര്‍മാന്‍ പി.കെ. രവീന്ദ്രന്‍ അദ്ധ്യക്ഷത വഹിച്ചു.കണ്‍വീനര്‍ പി.കെ. പ്രസന്നന്‍ പ്രതിഷേധ പ്രമേയം അവതരിപ്പിച്ചു. കമ്മറ്റി അംഗങ്ങളായ ഡില്‍ഷന്‍ കൊട്ടേക്കാട്ട്, എം.കെ.തിലകന്‍, കെ.ഡി.വിക്രമാദിത്യന്‍, ദിനില്‍ മാധവ് തുടങ്ങിയവര്‍ പ്രസംഗിച്ചു.
