ന്യൂദല്‍ഹി: അതിര്‍ത്തി ലംഘിച്ചതിന് ശ്രീലങ്കയില്‍ തടവിലായ മത്സ്യത്തൊഴിലാളികളെ മോചിപ്പിക്കാന്‍ കേന്ദ്രസര്‍ക്കാര്‍ നടപടി സ്വീകരിക്കുമെന്ന് വിദേശകാര്യ മന്ത്രി എസ്. ജയശങ്കര്‍. ലങ്കന്‍ നാവികസേന പിടിച്ച 34 മത്സ്യത്തൊഴിലാളികള്‍ ജുഡീഷ്യല്‍ റിമാന്‍ഡിലാണ്. ആറ് പേര്‍ ശിക്ഷിക്കപ്പെട്ട് തടവിലും. ഇവരെ മോചിപ്പിക്കാന്‍ ചര്‍ച്ചകള്‍ നടത്തി വരികയാണ്. 2014ല്‍ എന്‍ഡിഎ സര്‍ക്കാര്‍ അധികാരത്തിലേറിയതിന് ശേഷം മത്സ്യത്തൊഴിലാളികളുടെ പ്രശ്‌നങ്ങള്‍ പരിഹരിക്കാന്‍ നടപടികള്‍ സ്വീകരിച്ചിട്ടുണ്ട്.
മത്സ്യത്തൊഴിലാളികളെ മോചിപ്പിക്കാന്‍ നടപടി സ്വീകരിക്കണമെന്നാവശ്യപ്പെട്ട് കഴിഞ്ഞ ദിവസങ്ങളില്‍ തമിഴ്‌നാട് മുഖ്യമന്ത്രി എംകെ സ്റ്റാലിന്‍ വിദേശകാര്യമന്ത്രിക്ക് കത്തയച്ചിരുന്നു.
