പാട്ന : നീറ്റ് പരീക്ഷാചോദ്യ പേപ്പര് ചോര്ച്ചാ കേസില് സിബിഐ രണ്ട് പേരുടെ അറസ്റ്റ് രേഖപ്പെടുത്തി . മനീഷ് പ്രകാശ്, അശുതോഷ് കുമാര് എന്നിവരെയാണ് ബിഹാര് തലസ്ഥാനമായ പട്നയില് നിന്ന് സിബിഐ അറസ്റ്റ് ചെയ്തത്.
ജാര്ഖണ്ഡില് നിന്ന് പത്തുപേരെ സിബിഐ കസ്റ്റഡിയിലെടുത്തു.ഹസാരിബാഗില് ചോദ്യപേപ്പര് ചോര്ന്നെന്ന് സംശയിക്കുന്ന സ്കൂളിലെ ജീവനക്കാരെയാണ് സിബിഐ സംഘം കസ്റ്റഡിയിലെടുത്തത്.
രണ്ട് ഡസനോളം വിദ്യാര്ത്ഥികളെ മനീഷ് കുമാര് ഒഴിഞ്ഞ സ്കൂളിലേക്ക് തന്റെ കാറിലെത്തിച്ച് ചോദ്യപേപ്പര് നല്കിയെന്നാണ് സിബിഐ കണ്ടെത്തല്. അശുതോഷാണ് വിദ്യാര്ത്ഥികള്ക്ക് താമസം ഉള്പ്പെടെയുള്ള സൗകര്യങ്ങള് ഒരുക്കിയത്. രണ്ടുപേരെയും രാവിലെ മുതല് സിബിഐ സംഘം വിശദമായി ചോദ്യം ചെയ്ത ശേഷമാണ് അറസ്റ്റ് ചെയ്തത്.
കേസ് സിബിഐ ഏറ്റെടുക്കും മുന്പ് നീറ്റ് പരീക്ഷാ ക്രമക്കേടുമായി ബന്ധപ്പെട്ട് ബിഹാര്, മഹാരാഷ്ട്ര, ദല്ഹി എന്നിവിടങ്ങളില് നിന്ന് ചിലരെ പൊലീസ് അറസ്റ്റ് ചെയ്തിരുന്നു.
