കൊച്ചി: കൊച്ചി ശാസ്ത്ര സാങ്കേതിക സര്വകലാശാലയിലെ സ്കൂള് ഓഫ് എന്ജിനീയറിങ് ക്യാമ്പസില് സൗരോര്ജ്ജ വൈദ്യുത വിളക്കുകള് സ്ഥാപിക്കുന്നതിന് സിഎസ്ആര് ഫണ്ട് കൈമാറുന്ന ധാരണാപത്രത്തില് കുസാറ്റിലെ ഇന്ത്യന് ഗ്രീന് ബില്ഡിങ് കൗണ്സിലും (ഐജിബിസി) കൊച്ചിന് ഷിപ്പ്യാര്ഡും ഒപ്പുവച്ചു.
കുസാറ്റ് രജിസ്ട്രാര് ഡോ. വി. ശിവാനന്ദന് ആചാരി ഒപ്പുവച്ച കരാര് ഐജിബിസി സെക്രട്ടറി ബേസില് കെ.യു., മാനേജര് നസ്രിന് ഖാന് എന്നിവര് ചേര്ന്ന് ഷിപ്യാര്ഡിന് കൈമാറി. ചടങ്ങില് കപ്പല്ശാല സിഎസ്ആര് ഹെഡ് സമ്പത്ത്കുമാര് പി.എന്., മാനേജര്മാരായ ശശീന്ദ്രദാസ് പി.എസ്., യൂസഫ് എ.കെ. എന്നിവര് പങ്കെടുത്തു. കരാര്പ്രകാരം കുസാറ്റ് സ്കൂള് ഓഫ് എന്ജിനീയറിങ് ക്യാമ്പസില് നിരവധി സൗരോര്ജ്ജ വിളക്കുകള് സ്ഥാപിക്കും. ഇതോടെ വൈദ്യുതി ഇനത്തില് കുസാറ്റിന് ഗണ്യമായ ലാഭവും ഉണ്ടാകും.
