കൊല്‍ക്കത്ത: ഏഷ്യന്‍ ഗെയിംസില്‍ ടീം ഇനത്തില്‍ വെങ്കല മെഡല്‍ നേടിയ അമ്പെയ്ത്ത് താരം ബജന്‍ കൗര്‍ ആന്റല്യയില്‍ നടന്ന മത്സരത്തില്‍ സ്വര്‍ണ മെഡല്‍ നേടിയതോടെ ഭാരതത്തിന് പാരിസ് ഒളിംപിക്‌സ് റീകര്‍വ് വ്യക്തിഗത ഇനത്തില്‍ പങ്കെടുക്കാനുള്ള യോഗ്യത നേടിയെടുത്തു. തുര്‍ക്കിയിലെ ആന്റല്യയില്‍ ഇന്നലെയാണ് ഭജന്‍ കൗര്‍ സ്വര്‍ണം നേടിയത്.
മൂന്നാം റാങ്ക് കാരിയായ ഭജന്‍ കൗറും അങ്കിത ഭകത്തും ക്വാല്‍ട്ടര്‍ ബെര്‍ത്ത് ഉറപ്പിച്ചതോടെ പാരിസ് ഒളിംപിക്‌സില്‍ യോഗ്യത ഉറപ്പിക്കാനായി.
ഏഷ്യന്‍ ഗെയിംസില്‍ ടീം ഇനത്തിലാണ് താരം ഉള്‍പ്പെട്ട സംഘം വെങ്കലം നേടിയത്. ഇന്നലെ കൈവരിച്ച നേട്ടത്തോടെ ഇതേ ഇനത്തില്‍ ഭാരതത്തിന് വ്യക്തിഗത ഇനത്തിലും പങ്കെടുക്കാനുള്ള യോഗ്യത നേടാന്‍ സാധിച്ചിരിക്കുകയാണ്. അടുത്ത മാസം അവാസനവും ആഗസ്ത് ആദ്യവുമായാണ് പാരിസ് ഒളിംപിക്‌സ്.
