കോട്ടയം : ചിങ്ങവനം പൊലീസ് സ്റ്റേഷനില് പൊലീസുകാര്‍ തമ്മില്‍ കയ്യാങ്കളി. രണ്ട് സിപിഒമാരാണ് തമ്മിലടിച്ചത്. ശനിയാഴ്ച ഉച്ചയ്‌ക്ക് ഒരുമണിയോടെയാണ് സംഭവം.
പൊലീസ് സ്റ്റേഷനില് ബൈക്ക് പാര്‍ക്ക് ചെയ്യുന്നതിലെ തര്‍ക്കമാണ് സംഘര്‍ഷത്തിന് കാരണമെന്നാണ് വിവരം. ഒരു സിപിഒയുടെ തല പൊട്ടി.
ഇദ്ദേഹം ആദ്യം എസ്‌ഐയുടെ മുറിയിലേക്കും പിന്നീട് റോഡിലേക്കും ഇറങ്ങിയോടി. സ്റ്റേഷനിലുണ്ടായിരുന്ന മറ്റ് പൊലീസുകാര്‍ ഇടപെട്ടാണ് സംഘര്‍ഷം നിയന്ത്രിച്ചത്. സംഭവത്തില്‍ സ്‌പെഷല്‍ ബ്രാഞ്ച് അന്വേഷണം തുടങ്ങി.തല പൊട്ടിയ സിപിഒയെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: