എറണാകുളം : എന് എസ് എസ് യൂണിയന് തിരഞ്ഞെടുപ്പിനിടെ ഉണ്ടായ തര്ക്കത്തെ തുടര്ന്ന് വയോധികനെ മര്ദിച്ചു എന്ന പരാതിയില് വിവാദ ദല്ലാള് ടി.ജി നന്ദകുമാറിനെതിരെ പൊലീസ് കേസെടുത്തു.
വെണ്ണല കരയോഗം സെക്രട്ടറിയായി 29 വര്ഷം പ്രവര്ത്തിച്ച 80 വയസുളള കെ പി ഭരതപണിക്കര്ക്ക് മര്ദ്ദനമേറ്റെന്നാണ് പരാതി.മര്ദ്ദനത്തെ തുടര്ന്ന് ഭരതപ്പണിക്കര് ആശുപത്രിയില് ചികിത്സ തേടി.
കഴിഞ്ഞ ദിവസം നടന്ന തെരഞ്ഞെടുപ്പില് ടി ജി നന്ദകുമാറിന്റെ പാനലിലെ 11 പേര് വിജയിച്ചു. എതിര് പാനലിലെ ഭരതപണിക്കര് ഉള്പ്പടെ നാലു പേരും തെരഞ്ഞെടുക്കപ്പെട്ടു. ഭാരവാഹിത്വത്തിലെ തര്ക്കമാണ് കയ്യാങ്കളിയിലെത്തിയത്.സ്ത്രീകള്ക്കെതിരെ അസഭ്യവര്ഷം നടത്തിയതായും പരാതി ഉയര്ന്നു.
പരാതിയുടെ പ്രകാരം ടിജി നന്ദകുമാറിനെ ഒന്നാം പ്രതിയാക്കി പാലാരിവട്ടം പൊലീസ് കേസ് എടുത്തു. നന്ദകുമാറിന്റെ ഒപ്പം ഉണ്ടായിരുന്ന എം ബി മുരളീധരന്, മധുസൂദനന് എന്നിവരും പ്രതികളാണ്. പ്രശ്നത്തില് നന്ദകുമാര് പ്രികരിച്ചിട്ടില്ല.
