തിരുവനന്തപുരം: പതിനഞ്ചാം കേരള നിയമസഭയുടെ പതിനൊന്നാം സമ്മേളനം തിങ്കളാഴ്ച ആരംഭിക്കും. സഭ 28 ദിവസമാണ് സമ്മേളിക്കുക. ആദ്യ ദിനം ചോദ്യോത്തര വേളയ്‌ക്ക് ശേഷം ഫോട്ടോസെഷന്‍ ഉണ്ടാകും.
ജൂലായ് 25 ന് സഭാ സമ്മേളനം അവസാനിക്കും. സഭയിലെ എല്ലാ ചോദ്യങ്ങള്‍ക്കും മന്ത്രിമാര്‍ ഉത്തരം നല്‍കണമെന്ന് റൂളിംഗ് നല്‍കിയിട്ടുണ്ടെന്ന് സ്പീക്കര്‍ എ.എന്‍. ഷംസീര്‍ അറിയിച്ചു.ലോക കേരള സഭ നടക്കുന്ന 13,14,15 തീയതികളില്‍ സഭ സമ്മേളിക്കില്ല.
ലോക്സഭാ തെരഞ്ഞെടുപ്പ് ഫലം കഴിഞ്ഞ തെരഞ്ഞടുപ്പിന്റെ ആവര്‍ത്തനമാണെന്ന് ഷംസീര്‍ പറഞ്ഞു. തലശേരി മണ്ഡലത്തില്‍ എല്‍ഡിഎഫിനേറ്റ തിരിച്ചടി പൊതുവായി ഉണ്ടായ വികാരത്തിലുളളതാണെന്നും ഷംസീര്‍ പറഞ്ഞു.
