ന്യൂഡല്‍ഹി: മലയാളത്തിന്‌റെ സുരേഷ് ഗോപിക്കൊപ്പം ചലച്ചിത്ര നഭസില്‍ നിന്ന് ഇക്കുറി ലോക്‌സഭയില്‍ ബോളിവുഡ് താരങ്ങളായ ഹേമമാലിനിയും മുതിര്‍ന്ന നടന്‍ ശത്രുഘ്‌നന്‍ സിന്‍ഹയും അടക്കമുള്ള പ്രമുഖരും ഉണ്ടാകും. ബി.ജെ.പി ടിക്കറ്റില്‍ മൂന്നാം തവണയാണ് മഥുരയില്‍ നിന്ന് ഹേമമാലിനി എം.പിയാവുന്നത്. പശ്ചിമ ബംഗാളിലെ അസന്‍സോളില്‍ നിന്ന് തൃണമൂല്‍ അംഗമായാണ് ഇക്കുറി ശത്രുഘ്‌നന്‍ സിന്‍ഹയുടെ രംഗപ്രവേശം. ഹിന്ദി സിനിമയിലെ മറ്റൊരു ജനപ്രിയ മുഖമായ കങ്കണ റണൗത്ത് ഹിമാചല്‍ പ്രദേശിലെ മാണ്ഡിയില്‍ നിന്നും ലോക്‌സഭയിലെത്തുന്നു. ഉത്തര്‍പ്രദേശിലെ മീററ്റില്‍ നിന്നുള്ള ‘രാമായണ്‍’ ഫെയിം അരുണ്‍ ഗോവിലാണ് ബിജെപിയുടെ മറ്റൊരു താരം. മുന്‍ ഭോജ്പുരി സിനിമാതാരങ്ങളായ തിവാരി നോര്‍ത്ത് ഈസ്റ്റ് ഡല്‍ഹിയില്‍ നിന്നും രവി കിഷന്‍ ഉത്തര്‍പ്രദേശിലെ ഗോരഖ്പൂരില്‍ നിന്നും തെഞ്ഞെടുക്കപ്പെട്ടിട്ടുണ്ട്.
നടനും ബിജെപി നേതാവുമായ നിരാഹുവയാണ് (ദിനേഷ് ലാല്‍ യാദവ്) മറ്റൊരു സെലിബ്രിറ്റി. പശ്ചിമ ബംഗാളിലെ ബിര്‍ഭൂമില്‍ നിന്ന് നടന്‍ സതാബ്ദി റോയ്, ഹൂഗ്ലിയില്‍ നിന്ന് നടി രചന ബാനര്‍ജി (ടിഎംസി) എന്നിവരും ലോക്‌സഭയുടെ അകത്തളങ്ങള്‍ക്ക് താരശോഭ പകരം.
താരത്തിളക്കമേകാന്‍ സുരേഷ് ഗോപിക്കൊപ്പം ഹേമമാലിനിയും കങ്കണ റണൗത്തും മുതല്‍ അരുണ്‍ ഗോവില്‍ വരെ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.