ആലപ്പുഴ: കായംകുളത്ത് ശക്തമായ കാറ്റിനും മഴയ്ക്കും പിന്നാലെ തെങ്ങ് കടപുഴകി വീണ് യുവാവിന് ദാരുണാന്ത്യം. കൊയ്പള്ളി കാരാഴ്മയിൽ ധർമപാലന്റെ മകൻ അരവിന്ദ് (32) ആണ് മരിച്ചത്. വീട്ടുമുറ്റത്ത് നിൽക്കുമ്പോൾ തെങ്ങ് കടപുഴകി വീഴുകയായിരുന്നു.
പുല്ലൻപാറയിൽ വീട്ടിൽ കുടുങ്ങിയവരെ ഫയർഫോഴ്സ് രക്ഷപെടുത്തി.കൂടാതെ ചേർത്തലയിൽ ദേശിയ പാതയിൽ മരം വീണു. അരുവിക്കര സർക്കാർ ആശുപത്രിയുടെയും നെയ്യാറ്റിൻകര ശ്രീകൃഷ്ണ ക്ഷേത്രത്തിന്റെയും മതിൽ തകർന്നു. പൊന്മുടിയിൽ യാത്ര നിരോധനം. കനത്ത മഴയിൽ എറണാകുളം ജില്ല മഴയിൽ മുങ്ങി. തിരുവനന്തപുരം മുതൽ എറണാകുളം വരെ വരും മണിക്കൂറുകളിലും കനത്ത മഴക്ക് സാധ്യതയുണ്ട്. മഴക്കെടുതികളിൽ യുദ്ധകാലാടിസ്ഥാനത്തിൽ നടപടിയുണ്ടാകുമെന്ന് റവന്യു മന്ത്രി കെ രാജൻ പറഞ്ഞു.
