പത്തനംതിട്ട : ബിലീവേഴ്സ് ഈസ്റ്റേണ് ചര്‍ച്ച് പരമാധ്യക്ഷന്‍ അന്തരിച്ച കെപി യോഹന്നാന്റെ ഭൗതികദേഹം നിരണം സെന്റ് തോമസ് ബിലീവേഴ്സ് ഈസ്റ്റേണ് ചര്‍ച്ചില്‍ എത്തിച്ചു. കബറടക്കം ചൊവ്വാഴ്ച.
അമേരിക്കയില്‍ നിന്നും ഞായറാഴ്ച പുലര്‍ച്ചെ നെടുമ്പാശേരി വിമാനത്താവളത്തില്‍ എത്തിച്ച മൃതദേഹം വിലാപ യാത്രയായിട്ടാണ് നിരണത്തേക്ക് എത്തിച്ചത്. സെന്റ് തോമസ് ബിലീവേഴ്സ് ഈസ്റ്റേണ് ചര്‍ച്ചില്‍ രണ്ടാം ഘട്ട സംസ്‌ക്കാര ശുശ്രൂഷ ചടങ്ങുകള്‍ നടത്തിയ ശേഷം തിങ്കളാഴ്ച ബിലീവേഴ്സ് കണ്‍വെന്‍ഷന്‍ സെന്ററില്‍ പൊതു ദര്‍ശനം നടക്കും.
അമേരിക്കയിലെ വാഹനാപകടത്തില്‍ പരിക്കേറ്റ് ചികിത്സയിലിരുന്ന കെ പി യോഹന്നാന്‍ ഈ മാസം 8 നാണ് അന്തരിച്ചത്. ആദ്യ ഘട്ടം സംസ്‌കാര ശുശ്രൂഷകള്‍ അമേരിക്കയില്‍ നടന്നിരുന്നു.
