തൃശൂര്: ചെറുതുരുത്തിയില് ലഹരി വേട്ട നടത്തി പൊലീസ്. ബാംഗ്ലൂരില് നിന്നും തൃശൂരിലേക്ക് കൊണ്ടുവരികയായിരുന്ന ഹാന്സ് പാക്കറ്റ് കുത്തിനിറച്ച ചാക്കുകള് ചെറുതുരുത്തി പൊലീസാണ് പിടികൂടിയത്.
രഹസ്യ വിവരത്തെത്തുടര്ന്ന് കൊച്ചി പാലത്തിന് സമീപം നടത്തിയ പരിശോധനയിലാണ് ലഹരിവേട്ട.ഇന്നോവ കാറിലാണ് പുകയില ഉത്പന്നം കടത്തിയത്.
വാഹനത്തില് 15 ചാക്കുകളിലായി 11000 പാക്കറ്റ് ഹാന്സ് ആണ് കണ്ടെത്തിയത്. വിപണിയില് അഞ്ച് ലക്ഷത്തോളം രൂപ വില വരുന്ന ലഹരി ഉത്പന്നമാണ് പിടികൂടിയത്. ഇന്നോവ കാറോടിച്ച ഒറ്റപ്പാലം പനമണ്ണ സ്വദേശി ഉണ്ണികൃഷ്ണന്( 39) അറസ്റ്റിലായി.
