ന്യൂദല്ഹി: പൂഞ്ചിലെ ഭീകരാക്രമണത്തില് പരിക്കേറ്റ വ്യോമസേന ഉദ്യോഗസ്ഥന് മരണത്തിന് കീഴടങ്ങി. ഹോസ്പിറ്റലില് ചികിത്സയിലിരിക്കെയാണ് കോര്പ്പറല് വിക്കി പഹാഡെ വീരമൃത്യു പ്രാപിച്ചത്. ഇന്നലെ വൈകിട്ടാണ് ജമ്മുകശ്മീരിലെ പൂഞ്ചില് സൈനിക വാഹനങ്ങള്ക്കു നേരെ ഭീകരര് വെടിയുത്തിര്ത്തത്. ഇതില് അഞ്ച് വ്യോമസേന ഉദ്യോഗസ്ഥര്ക്ക് പരിക്കേറ്റിരുന്നു.
രാഷ്ട്രസേവനത്തിനായി പൂഞ്ച് മേഖലയില് വീരമൃത്യു കൈവരിച്ച ധീരജവാന് കോര്പ്പറല് വിക്കി പഹാഡെക്കായി സിഎഎസ് എയര് ചീഫ് മാര്ഷല് വിആര് ചൗധരിയും ഇന്ത്യന് എയര്ഫോഴ്സിലെ എല്ലാ ഉദ്യോഗസ്ഥരും അനുശോചിച്ചു. അദേഹത്തിന്റെ കുടുംബത്തിന് ഞങ്ങളുടെ അഗാധമായ അനുശോചനം. ഈ ദുഃഖസമയത്ത് ഞങ്ങള് നിങ്ങളക്കൊപ്പം ഉറച്ചുനില്ക്കുന്നുവെന്നും ഇന്ത്യന് എയര്ഫോഴ്സിന്റെ ഔദ്യോഗിക എക്സ് ഹാന്ഡിലെ പോസ്റ്റ് കുറിച്ചു. പ്രദേശത്ത് ഭീകരര്ക്കായുള്ള തെരച്ചില് തുടരുകയാണ്.
