സേലം: വിനോദ സഞ്ചാരികള് സഞ്ചരിച്ച ബസ് കൊക്കയിലേക്ക് മറിഞ്ഞ് ആറ് മരണം. തമിഴ്നാട്ടിലെ സേലം ജില്ലയിലുളള യേര്ക്കാട് ചുരം പാതയിലാണ് അപകടം. അപകടത്തില് മുപ്പത്തിലേറെ പേര്ക്ക് പരിക്കേറ്റു.
പരിക്കേറ്റവരില് നിരവധി പേരുടെ നില ഗുരുതരമാണ്.യേര്ക്കാട് നിന്ന് സേലത്തേക്ക് മടങ്ങുകയായിരുന്ന സംഘം സഞ്ചരിച്ച ബസ് ചൊവ്വാഴ്ച രാത്രി 8 മണിയോടെയാണ് അമ്പതടി താഴ്ചയിലേക്ക് മറിഞ്ഞത്. മരിച്ചവരില് ഒരു കുട്ടിയും ഉള്പ്പെടുന്നു.
ചുരത്തിലെ 11-ാം വളവിലാണ് അപകടമുണ്ടായത്.പൊലീസും അഗ്നിശമന സേനയും സ്ഥലത്തെത്തി രക്ഷാപ്രവര്ത്തനം നടത്തി.
