കാത്മണ്ഡു : തൃശൂര് അവണൂരില് പിതാവിനെ വിഷം നല്കി കൊന്ന മയൂര് നാഥ് നേപ്പാളില് മരിച്ച നിലയില്. നേപ്പാളിലെ ഉള്നാടന് ഗ്രാമത്തില്കുളത്തില് വീണ് മരിച്ച നിലയിലാണ് മൃതദേഹം കണ്ടത്. കേസില് ശിക്ഷ അനുഭവിച്ചു വന്ന മയൂര് നാഥ് ജാമ്യത്തിലിറങ്ങി സ്ഥലംവിട്ടതാണ്. നേപ്പാളിലെത്തി സന്യാസം സ്വീകരിക്കാനായിരുന്നു മയൂര്നാഥിന്റെ തീരുമാനം.
പിതാവിന് കടലക്കറിയില് വിഷം കലര്ത്തിയാണ് മയൂര്നാഥ് കൊലപ്പെടുത്തിയത്. കഴിഞ്ഞവര്ഷം ഏപ്രിലാണ് സംഭവം.ജാമ്യത്തില് ഇറങ്ങി മുങ്ങിയ മയൂര്നാഥിന് വേണ്ടി തൃശൂര് മെഡിക്കല് കോളജ് പൊലീസ് അന്വേഷണം നടത്തി വരികയായിരുന്നു. മയൂര്നാഥിന്റെ മൃതദേഹം നേപ്പാളില് സംസ്കരിച്ചു.
25 വയസുളള മയൂര്നാഥ് ആയുര്വേദ ഡോക്ടറാണ്. ശശീന്ദ്രന്റെ ആദ്യ ഭാര്യയിലെ മകനാണ് മയൂര്നാഥ്.സ്വത്ത് ആവശ്യപ്പെട്ട് ഇയാളും പിതാവുമായി തര്ക്കങ്ങള് നിലനിന്നിരുന്നു. ഇതേത്തുടര്ന്ന് ഇയാള് അച്ഛനും അമ്മയ്ക്കും ഭക്ഷണത്തില് വിഷം ചേര്ത്ത് നല്കിയതെന്നാണ് പൊലീസ് നല്കുന്ന വിവരം.
