ന്യൂദൽഹി: തദ്ദേശ സ്ഥാപനങ്ങളെ ശക്തിപ്പെടുത്തുന്നതിനുള്ള പ്രവർത്തനങ്ങൾ തന്റെ സർക്കാർ തുടരുമെന്ന് ഉറപ്പിച്ച് പ്രധാനമന്ത്രി നരേന്ദ്ര മോദി. ബുധനാഴ്ച പഞ്ചായത്ത് രാജ് ദിനത്തിൽ അദ്ദേഹം ജനങ്ങൾക്ക് ആശംസകൾ നേർന്നു.
“പഞ്ചായത്ത് രാജ് ദിനത്തിൽ, ഗ്രാമീണ ഇന്ത്യയെ മാറ്റുന്നതിനും ജനങ്ങളുടെ മെച്ചപ്പെട്ട ജീവിത നിലവാരം ഉറപ്പാക്കുന്നതിനും താഴെത്തട്ടിൽ പ്രവർത്തിക്കുന്ന എല്ലാവർക്കും ആശംസകൾ. പഞ്ചായത്ത് രാജ് സ്ഥാപനങ്ങൾ ശക്തിപ്പെടുത്തുന്നതിനും ജനങ്ങളുടെ സ്വപ്നങ്ങൾക്ക് ചിറകുകൾ നൽകുന്നതിനും ഞങ്ങളുടെ സർക്കാർ തുടർന്നും പ്രവർത്തിക്കും .” – മോദി പറഞ്ഞു.
1993-ൽ ഈ ദിവസം പ്രാബല്യത്തിൽ വരികയും തദ്ദേശ സ്ഥാപനങ്ങളുടെ ശാക്തീകരണത്തിന് വഴിയൊരുക്കുകയും ചെയ്ത 1992 ലെ ഭരണഘടന (73-ാം ഭേദഗതി) നിയമത്തിന്റെ നിയമനിർമ്മാണത്തെ അടയാളപ്പെടുത്തി പഞ്ചായത്തിരാജ് മന്ത്രാലയം ഏപ്രിൽ 24 ദേശീയ പഞ്ചായത്തിരാജ് ദിനമായി ആചരിക്കുന്നത്.
