സാങ്കേതിക പ്രശ്നം പരിഹരിച്ചതിന് ശേഷം വോയേജർ-1ൽ നിന്നും ആദ്യ സന്ദേശം ലഭിച്ചു. അഞ്ച് മാസത്തിന് ശേഷമാണ് നാസയുടെ വോയേജർ-1 പുനഃസ്ഥാപിച്ചത്. നാസയുടെ ഏറ്റവും ദൂരെയുള്ള മനുഷ്യനിർമ്മിത ബഹിരാകാശ പേടകമാണ് വോയേജർ-1. അഞ്ച് മാസത്തെ ഇടവേളയ്ക്ക് ശേഷമാണ് ഓൺബോർഡ് എഞ്ചിനീയറിംഗ് സിസ്റ്റങ്ങളുടെ നിലവിലെ സാഹചര്യങ്ങളെക്കുറിച്ചാണ് അപ്ഡേറ്റ് ലഭിച്ചത്.
പേടകത്തിന്റെ എഞ്ചിനീയറിംഗ് സംവിധാനങ്ങളുടെ ആരോഗ്യവും പ്രവർത്തന ക്ഷമതയും സംബന്ധിച്ച വിവരങ്ങളാണ് ലഭിച്ചത്. നിലവിൽ ശാസ്ത്രീയ വിവരങ്ങളൊന്നും തന്നെ ഇതിൽ നിന്നും ലഭിച്ചിരുന്നില്ല. ഗ്രൗണ്ട് കൺട്രോൾ സ്റ്റേഷനിലുള്ളവർക്ക് മനസിലാക്കാനാകും വിധത്തിലാണ് വിവരങ്ങൾ ലഭ്യമായത്. ഈ കഴിഞ്ഞ നവംബറിന് ശേഷമാണ് വീണ്ടും സിഗ്നൽ ലഭിക്കുന്നത്.
വോയേജർ-1ൽ നിന്നും അവസാന സന്ദേശം ലഭിച്ചത് നവംബർ 14-നായിരുന്നു. എന്നാൽ കമാൻഡുകൾ സ്വീകരിച്ച് ബഹിരാകാശ പേടകം സാധാരണ രീതിയിൽ തുടർന്നിരുന്നു. മാർച്ചോടെ ഫൈ്ളറ്റ് ഡാറ്റാ സബ്സിസ്റ്റമെന്ന വോയേജറിന്റെ മൂന്ന് ഓൺബോർഡ് കമ്പ്യൂട്ടറുകളിൽ ഒന്നിലും പ്രശ്നം കണ്ടെത്തി. പൂജ്യവും ഒന്നും ഉൾപ്പെടുന്ന കോഡ് കമ്പ്യൂട്ടർ ഭാഷയിലാണ് വോയേജർ-1 ഭൂമിയുമായി സംവദിക്കുന്നത്. ഏപ്രിൽ 20-നാണ് അഞ്ച് മാസങ്ങൾക്ക് ശേഷം വിവരങ്ങൾ ലഭ്യമാകുന്നത്.
