ആലപ്പുഴ; എന്‍ഡിഎ ആലപ്പുഴ ലോക്സഭാ മണ്ഡലം സ്ഥാനാര്‍ത്ഥി ശോഭാ സുരേന്ദ്രന്റെ പ്രചാരണപ്രവര്‍ത്തനങ്ങളുടെ കൊട്ടിക്കലാശത്തിന് ആവേശം പകരാന്‍ കേന്ദ്ര ആഭ്യന്തര മന്ത്രി അമിത്ഷാ എത്തും. 24ന് രാവിലെ 10ന് പുന്നപ്ര കാര്‍മ്മല്‍ മൈതാനത്ത് നടക്കുന്ന മഹാസമ്മേളനത്തെ അമിത് ഷാ അഭിസംബോധന ചെയ്യും. എന്‍ഡിഎ സംസ്ഥാന, ജില്ലാ നേതാക്കള്‍ പങ്കെടുക്കും.
വികസന രേഖയും വനിതാ മാനിഫെസ്‌റ്റോയും ഇന്ന് പ്രകാശനം ചെയ്യും
ആലപ്പുഴ: എന്‍ഡിഎ സ്ഥാനാര്‍ഥി ശോഭ സുരേന്ദ്രന്റെ തെരഞ്ഞെടുപ്പ് പ്രചാരണാര്‍ത്ഥം വികസന രേഖയും വനിതാ മാനിഫെസ്‌റ്റോയും ഇന്ന് പ്രകാശനം ചെയ്യും. കോയമ്പത്തൂര്‍ എംഎല്‍എയും മഹിളാ മോര്‍ച്ച ദേശീയ അധ്യക്ഷയുമായ വനതി ശ്രീനിവാസന്‍ രാവിലെ 10ന് എന്‍ഡിഎ തെരഞ്ഞെടുപ്പ് കമ്മറ്റി ഓഫീസിലാണ് പ്രകാശനം ചെയ്യുക.
