ശ്രീനഗര്: കശ്മീരില് ഭീകരരുടെ ഒളിത്താവളം തകര്ത്ത് സൈന്യം. അര്നാസിലെ ദലാസ് ബര്നെലി മേഖലയില് നടന്ന പരിശോധനയിലാണ് ഭീകരരുടെ ഒളിത്താവളങ്ങള് കണ്ടെത്തുകയും തകര്ക്കുകയും ചെയ്തത്. നിരവധി ആയുധങ്ങളും സ്ഫോടക വസ്തുക്കളും കണ്ടെടുത്തു.
കശ്മീര് പോലീസും സൈന്യവും സംയുക്തമായി നടത്തിയ തെരച്ചിലിലാണ് ഒളിത്താവളങ്ങള് കണ്ടെത്തിയത്. പ്രദേശത്ത് തെരച്ചില് തുടരുകയാണെന്ന് പോലീസ് ഉദ്യോഗസ്ഥന് മോഹിത ശര്മ്മ പറഞ്ഞു. സ്ഥലത്ത് ആയുധ ശേഖരം പിടിച്ചു.
കഴിഞ്ഞാഴ്ച കശ്മീരിലെ പൂഞ്ചിലും ഭീകരരുടെ ഒളിത്താവളങ്ങള് സുരക്ഷാ സേന കണ്ടെത്തി നശിപ്പിച്ചിരുന്നു. ഇവിടെ നിന്നും ആയുധങ്ങളും കണ്ടെടുത്തിട്ടുണ്ട്.
