ഇംഫാല്: എന്ആര്സി നടപ്പാക്കുമെന്ന വാഗ്ദാനവുമായി ഇന്നര് മണിപ്പൂരിലെ കോണ്ഗ്രസ് സ്ഥാനാര്ത്ഥി അന്ഗോംച ബിമോല് അകോയ്ജാം.
നാഷണല് രജിസ്റ്റര് ഓഫ് സിറ്റിസണ്സിനെതിരെ (എന്ആര്സി) തീവ്ര ഇസ്ലാമിക സംഘടനകളുമായി ചേര്ന്ന് കോണ്ഗ്രസ് വ്യാപകമായി പ്രചാരണം നടത്തുന്നതിനിടെയാണ് ജെഎന്യുവിലെ പ്രൊഫസര് കൂടിയായ ബിമോല് അകോയ്ജാം സ്വന്തം പ്രകടനപത്രികയുമായി ജനങ്ങളെ സമീപിക്കുന്നത്. പുതിയ മണിപ്പൂരിന് പുതിയ മാനിഫെസ്റ്റോ എന്നാണ് ബിമോലിന്റെ നയം.
എന്ആര്സി രാജ്യത്തിന്റെ സുരക്ഷയ്ക്ക് അനിവാര്യമാണ്. കടന്നുകയറ്റക്കാരെ തിരിച്ചറിയാന് അത് ഉപകരിക്കും. 2003ല് ഭേദഗതി പാര്ലമെന്റില് വന്നപ്പോള് കോണ്ഗ്രസ് പിന്തുണച്ചതാണ്. അതുകൊണ്ടുതന്നെ എന്ആര്സിക്ക് കോണ്ഗ്രസ് എതിരാണെന്ന പ്രചാരണം തെറ്റാണ്. ഞാനെന്തായാലും അതിന് വേണ്ടി നിലകൊള്ളും. നിങ്ങള് അതിനെ എന്ത് പേരിട്ട് വിളിച്ചാലും ഒരു പൗരനെന്ന നിലയില് എന്റെ അവകാശമാണത്, ബിമോല് പറഞ്ഞു.
