തിരുവനന്തപുരം: ലോക്‌സഭാ തെരഞ്ഞെടുപ്പില്‍ യുഡിഎഫിന് പിന്തുണ പ്രഖ്യാപിച്ച് വെല്‍ഫെയര്‍ പാര്‍ട്ടി. എസ്ഡിപിഐ പിന്തുണ സ്വീകരിച്ച് കോണ്‍ഗ്രസ് ന്യായീകരണങ്ങളുമായി തുടരുമ്പോഴാണ് പുതിയ വിവാദം. വെല്‍ഫെയര്‍ പാര്‍ട്ടി സംസ്ഥാന പ്രസിഡന്റ് റസാഖ് പാലേരിയാണ് വാര്‍ത്താ സമ്മേളനത്തിലൂടെ കോണ്‍ഗ്രസിന് പിന്തുണ പ്രഖ്യാപിച്ചത്. പാര്‍ട്ടിക്കുള്ളില്‍ വിശദമായ ചര്‍ച്ചകള്‍ക്ക് ശേഷമാണ് തീരുമാനമെന്ന് വെല്‍ഫെയര്‍ പാര്‍ട്ടി അറിയിച്ചു.
ഫാസിസ്റ്റ് വിരുദ്ധ പോരാട്ടങ്ങള്‍ക്ക് ശക്തിപകരാന്‍ യുഡിഎഫിനൊപ്പം നില്‍ക്കുകയാണെന്നാണ് പാര്‍ട്ടിയുടെ പ്രഖ്യാപനം. ഇതോടെ എസ്ഡിപിഐ വിവാദം കെട്ടടങ്ങുന്നതിന് മുന്‍പേ വീണ്ടും പുലിവാല് പിടിച്ചിരിക്കുകയാണ് യുഡിഎഫ്. തീവ്ര നിലപാടുള്ള വര്‍ഗീയ സംഘടനയായ ജമാഅത്തെ ഇസ്ലാമിയുടെ ഘടകമാണ് വെല്‍ഫെയര്‍ പാര്‍ട്ടിയെന്നും അത്തരത്തിലുള്ള പാര്‍ട്ടിയുടെ പിന്തുണയാണ് കോണ്‍ഗ്രസ് സ്വീകരിക്കുന്നതെന്നും സന്ദീപ് വാര്യര്‍ വിമര്‍ശിച്ചു.
പ്രതികരിക്കാൻ ഇവിടെ എഴുതുക: