മലപ്പുറം: ബസിന്റെ പിന്ചക്രം കയറി ഇറങ്ങി സ്കൂട്ടര് യാത്രക്കാരിയായ യുവതി മരിച്ചു.വണ്ടൂരില് ഓട്ടോറിക്ഷയെ മറികടക്കാന് ശ്രമിച്ച കാര് സ്കൂട്ടറില് ഇടിച്ചതിനെ തുടര്ന്നാണ് അപകടം. മലപ്പുറം നടുവത്ത് സ്വദേശി ഹുദ (24)യാണ് മരിച്ചത്.
സ്കൂട്ടര് നിയന്ത്രണം വിട്ട് മറിഞ്ഞ് വാഹനം ഓടിച്ചിരുന്ന സ്ത്രീക്കും ഒപ്പമുണ്ടായിരുന്ന കുട്ടിക്കുമൊപ്പം യുവതിയും റോഡില് വീഴുകയായിരുന്നു. പാണ്ടിക്കാട് നിന്ന് നിലമ്പൂരിലേക്ക് പോവുകയായിരുന്ന സ്വകാര്യ ബസിന്റെ പിന്ചക്രം റോഡില് വീണ യുവതിയുടെ ശരീരത്തില് കയറിയിറങ്ങി.
യുവതിക്കൊപ്പമുണ്ടായിരുന്ന സ്ത്രീയും കുട്ടിയും പരിക്കില്ലാതെ രക്ഷപ്പെട്ടു.
