ആലപ്പുഴ: പള്ളാത്തുരുത്തി പാലത്തില് നിന്ന് ആറ്റിലേക്ക് ചാടിയ യുവാവിനെയും യുവതിയെയും കണ്ടെത്താനുളള ശ്രമം വിജയിച്ചില്ല.വെളളിയാഴ്ച പുലര്ച്ചെ യുവതീ യുവാക്കള് ആറ്റില് ചാടുന്നത് ലോറി ഡ്രൈവര്മാരാണ് കണ്ടത്.
വിവരത്തിന്റെ അടിസ്ഥാനത്തില് ആലപ്പുഴ അഗ്നിരക്ഷാസേന യൂണിറ്റിലെ സ്കൂബ ടീമിന്റെ നേതൃത്വത്തില് നാലുദിവസമായി പ്രദേശത്ത് തെരച്ചില് നടത്തി വരികയാണ്. അതിനിടെ ആറ്റില് ചാടിയവരെ കണ്ടെത്താനുള്ള തെരച്ചിലിനിടെ സ്കൂബ ഡ്രൈവറുടെ കൈവിരല് ഒടിഞ്ഞു. സ്കൂബ ഡ്രൈവര് കെആര് അനീഷിന്റെ വിരലാണ് ഒടിഞ്ഞത്.
പാലത്തിന്റെ തൂണിന് താഴെ പരിശോധിക്കവെ ബോട്ട് തൂണില് ഇടിക്കുകയും കൈബോട്ടിനും തൂണിനും ഇടയില്പെട്ട് അമര്ന്ന് വിരല് ഒടിയുകയുമായിരുന്നു. തുടര്ന്ന് ആലപ്പുഴ ജനറല് ആശുപത്രിയിലെത്തിച്ച് പ്രഥമശ്രുശൂഷ നല്കി. പിന്നീട് സ്വകാര്യ ആശുപത്രിയില് ശസ്ത്രക്രിയ നടത്തി.
