മലപ്പുറത്ത് പട്ടാപ്പകൽ വൻ കവർച്ച; മോഷണം നടത്തിയത് യുവതിയെ കെട്ടിയിട്ട്

മലപ്പുറം: മലപ്പുറത്ത് പട്ടാപ്പകൽ വീട്ടിൽ വൻ കവർച്ച. വീട്ടിൽ കയറിയ മോഷ്ടാവ് യുവതിയെ കെട്ടിയിട്ട് കവർച്ച നടത്തിയെന്നാണ് പരാതി.എടപ്പാൾ സ്വദേശി അശോകന്റെ വീട്ടിലാണ് കവർച്ച നടന്നത്. 15 പവൻ സ്വർണം നഷ്ടമായതായാണ് വിവരം.

കസേരയിൽ ഇരിക്കുകയായിരുന്ന യുവതിയെ കസേരയിൽ തന്നെ കെട്ടിയിട്ടായിരുന്നു മോഷണം. ഗ്ലാസും മാസ്‌കും ധരിച്ചാണ് പ്രതി എത്തിയതെന്ന് വീട്ടുകാർ പറയുന്നു. സംഭവത്തിൽ ചങ്ങരംകുളം പൊലീസ് കേസെടുത്ത് അന്വേഷണം ആരംഭിച്ചു.