എറണാകുളം : കോതമംഗലത്ത് കിണറ്റില് വീണ കാട്ടാനയെ രക്ഷപ്പെടുത്തി.ആന 15 മണിക്കൂറാണ് കിണറ്റില് കിടന്നത്.
ജെ.സി.ബി എത്തിച്ച് കിണറിന്റെ വശം ഇടിച്ചാണ് ആനയെ കരക്കെത്തിച്ചത്. കരയ്ക്ക് കയറിയ ആനയെ വനംവകുപ്പ് കാട്ടിലേക്ക് തുരത്തി.
ആനയുടെ ശരീരമാസകലം പരിക്കുകളുണ്ട്. രക്ഷപ്പെടാനായി കിണറിന്റെ ഒരു ഭാഗം ആന ഇടിച്ചിട്ടു.വെളളിയാഴ്ച പുലര്ച്ചെയാണ് കാട്ടാന കിണറ്റില് വീണത്. കൃഷിയിടത്തെ കൈവരിയില്ലാത്ത കിണറ്റിലാണ് ആന വീണത്.
ഇതിനിടെ ആനയുണ്ടാക്കിയ നാശത്തിന് നഷ്ടപരിഹാരം ആവശ്യപ്പെട്ട് പ്രദേശവാസികള് പ്രതിഷേധിച്ചിരുന്നു.
