ശ്രീനഗര്: തെക്കന് കശ്മീരിലെ പുല്വാമയില് സൈന്യവും ഭീകരരും തമ്മില് ഏറ്റുമുട്ടല്. സൈന്യം ഒരു ഭീകരനെ വധിച്ചു. രഹസ്യവിവരത്തെ തുടര്ന്ന് ഫെസിപോറ വില്ലേജില് നടത്തിയ തെരച്ചിലിനിടെയായിരുന്നു ഏറ്റമുട്ടലുണ്ടായത്.
തെരച്ചിലിനിടെ പ്രദേശത്ത് ഒളിച്ചിരുന്ന ഭീകരര് സൈന്യത്തിന് നേരെ വെടിയുതിര്ക്കുകയായിരുന്നുവെന്ന് കശ്മീര് പോലീസ് വക്താവ് അറിയിച്ചു. സൈന്യം തിരിച്ചടിച്ചു. ലഷ്കര് ഇ തൊയ്ബയുമായി ബന്ധമുള്ള ദ റെസിസ്റ്റന്സ് ഫ്രണ്ട് എന്ന ഭീകരസംഘടനയില് അംഗമായ ഡാനിഷ് ഷെയ്ഖ് ആണ് കൊല്ലപ്പെട്ടത്. ശ്രീനഗര് സ്വദേശിയാണിയാള്.
ഏറ്റുമുട്ടലുണ്ടായ പ്രദേശത്ത് നിന്ന് ആയുധങ്ങളും സ്ഫോടക വസ്തുക്കളും കണ്ടെടുത്തു. പ്രദേശത്ത് സുരക്ഷ ശക്തമാക്കി. കേസ് രജിസ്റ്റര് ചെയ്തതായും അന്വേഷണം ആരംഭിച്ചതായും അധികൃതര് അറിയിച്ചു.
മൂന്ന് മാസത്തിനിടെ പുല്വാമയിലുണ്ടായ ആദ്യത്തെ ഏറ്റുമുട്ടലാണ് ഇന്നത്തേത്. മുമ്പ് ജനുവരി അഞ്ചിന് ഷോപിയാനിലാണ് ഏറ്റുമുട്ടലുണ്ടായത്. അന്ന് ലഷ്കര് ഭീകരനെ വധിച്ചിരുന്നു. പിന്നീട് ഏപ്രില് അഞ്ചിന് ഉറിയിലെ ബാരാമുള്ളയില് നുഴഞ്ഞുകയറ്റ ശ്രമം തടയുകയും ഒരു ഭീകരനെ വധിക്കുകയും ചെയ്തിരുന്നു.
