ലണ്ടന്‍: യുവേഫ ചാമ്പ്യന്‍സ് ലീഗ് ക്വാര്‍ട്ടറിന്റെ ആദ്യപാദ പോരാട്ടത്തില്‍ ആഴ്‌സണലും ബയേണും തമ്മില്‍ സമനിലിയല്‍ പിരിഞ്ഞു. ഇരുടീമകുളും രണ്ട് വിതം ഗോളുകല്‍ നേടിയാണ് സമനില പാലിച്ചത്. സ്വന്തം തട്ടകത്തില്‍ നടന്ന മത്സരത്തില്‍ ആഴ്‌സണലിനായി ആദ്യഗോള്‍ 12-ാം മിനിറ്റില്‍ ബൂകായോ സാകാ നേടി.
ആറ് മിനിറ്റിനകം സെര്‍ജി ഗ്നാര്‍ബിയിലൂടെ ബയേണ്‍ തിരിച്ചടിച്ചു. കളിക്ക് 29 മിനിറ്റെത്തിയപ്പോള്‍ ബയേണിന് ലഭിച്ചൊരു കൗണ്ടര്‍ അറ്റാക്കില്‍ സനെ ബോക്‌സിനകത്ത് വരെ പ്രവേശിച്ചതാണ്. താരത്തെ പ്രതിരോധിച്ച ആഴ്‌സണല്‍ താരങ്ങള്‍ക്ക് പിഴച്ചു. റഫറി പെനല്‍റ്റി വിധിച്ചു. സ്‌പോട്ട് കിക്ക് തൊടുത്ത ഹാരി കെയന്‍ ഗോളടിച്ചു. അഴ്‌സണലിനെ മറികടന്ന് ബയേണ്‍ 2-1ന് മുന്നിലെത്തി.
ഇതിനെതിരെ ആഴ്‌സണല്‍ 76-ാം മിനിറ്റില്‍ ഗോള്‍ കണ്ടെത്തി. ആഴ്‌സണലിനുവേണ്ടി പന്തുമായി മുന്നേറിയ ഗബ്രിയേല്‍ ജെസ്യൂസ് നല്‍കിയ പന്ത് ലിയാന്‍ഡ്രോ ട്രോസ്സാര്‍ഡ് ഫിനിഷ് ചെയ്തു. ആഴ്‌സണലിനെ ബയേണിനൊപ്പമെത്തിച്ചു. ഇരുവരും തമ്മിലുള്ള രണ്ടാംപാദ ക്വാര്‍ട്ടര്‍ അടുത്തയാഴ്‌ച്ച നടക്കും. ബയേണ്‍ തട്ടകമായ മ്യൂണിക്കിലാണ് രണ്ടാംപാദമത്സരം.
