ന്യൂദല്‍ഹി: കുട്ടികളെ തട്ടിക്കൊണ്ടു പോകുന്നതുമായി ബന്ധപ്പെട്ട് ദല്‍ഹിയിലെ വിവിധ കേന്ദ്രങ്ങളില്‍ സിബിഐ പരിശോധന നടത്തി. കേശവപുരം പ്രദേശത്തെ ഒരു വീട്ടില്‍ നിന്ന് മൂന്ന് നവജാത ശിശുക്കളെ രക്ഷപ്പെടുത്തി.
നവജാതശിശുക്കളെ കരിഞ്ചന്തയില്‍ വാങ്ങുകയും വില്‍ക്കുകയും ചെയ്യുന്നതായി വിവരം ലഭിച്ച പ്രകാരമായിരുന്നു പരിശോധയെന്ന് സിബിഐ അറിയിച്ചു.കുട്ടികളെ വിറ്റ സ്ത്രീയും വാങ്ങിയവരും ഉള്‍പ്പെടെ വിഷയത്തില്‍ ഉള്‍പ്പെട്ട എല്ലാ കക്ഷികളെയും ചോദ്യം ചെയ്യും.
കുട്ടികളെ കടത്തുന്നതില്‍ ഏര്‍പ്പെട്ടിരുന്ന എട്ട് പേരെ സിബിഐ അറസ്റ്റ് ചെയ്തു. അറസ്റ്റ് ചെയ്യപ്പെട്ടവരില്‍ ഒരു ആശുപത്രി വാര്‍ഡ് ബോയിയും നിരവധി സ്ത്രീകളുമുണ്ട്. കഴിഞ്ഞ ഒരു മാസത്തിനുള്ളില്‍ ഏകദേശം 10 കുട്ടികളെയാണ് വില്‍പന നടത്തിയെന്നാണ് സി ബി ഐയുടെ നിഗമനം.
സിബിഐയുടെ അന്വേഷണം കൂടുതല്‍ സംസ്ഥാനങ്ങളിലേയ്‌ക്ക് വ്യാപിച്ചിട്ടുണ്ട്. നവജാതശിശുക്കളെ നാല് മുതല്‍ 5 ലക്ഷം രൂപ വരെയുള്ള തുകയ്‌ക്കാണ് വില്‍ക്കുന്നതെന്ന് ബന്ധപ്പെട്ടവര്‍ പറഞ്ഞു.
