ലെവെര്കൂസെന്: ബുന്ദസ് ലിഗയില് കിരീടനേട്ടത്തിലേക്ക് കുതിച്ചുകൊണ്ടിരിക്കുന്ന ബയെര് ലെവര്കൂസെന് സീസണില് മറ്റൊരു കിരീടത്തിനായുള്ള കലാശപ്പോരില്. ഇന്നലെ നടന്ന ജര്മന് കപ്പ് സെമിയിലാണ് ടീം വിജയിച്ചത്. കയ്സെര്ലോട്ടേണിനെ എതിരില്ലാത്ത നാല് ഗോളുകള്ക്ക് തകര്ത്തുകൊണ്ടാണ് മുന്നേറ്റം.
സ്വന്തം തട്ടകത്തില് നടന്ന പോരാട്ടത്തില് കളിയുടെ തുടക്കം മുതലേ ബയെര് സ്കോര് ചെയ്യാന് തുടങ്ങി. ഏഴാം മിനിറ്റില് ജെറെമി ഫ്രിംപോംഗ് ആദ്യഗോളടിച്ചു. 20-ാം മിനിറ്റില് അമൈന് അഡ്ലിയിലൂടെ രണ്ടാം ഗോളും. പിന്നീടാണ് ഫ്ളോറിയന് വിര്ട്സിന്റെ ഇരട്ടഗോള് പിറന്നത്. കളിക്ക് 35 മിനിറ്റെത്തിയപ്പോള് വിര്ട്സ് ബയെറിനായി മൂന്നാം ഗോള് കണ്ടെത്തി. രണ്ടാം പകുതിയില് കളി മുന്നേറുന്നതിനിടെ 60-ാം മിനിറ്റില് ലഭിച്ച പെനല്റ്റി ഗോളാക്കി വിര്ട്സ് ഇരട്ടഗോള് നേട്ടം ആഘോഷിച്ചു.
അടുത്ത മാസം 25നാണ് ജര്മന് കപ്പ് ഫൈനല്. എഫ്സികെ ആണ് എതിരാളികള്. സാര്ബ്രൂക്കെണിനെ തോല്പ്പിച്ചാണ് എഫ്സികെ ഫൈനലിലെത്തിയത്.
