ന്യൂദല്ഹി: പ്രധാനമന്ത്രി നരേന്ദ്ര മോദിയാണ് തന്റെ പ്രചോദനത്തിന്റെ ഉറവിടമെന്നും പൂര്ണ ഹൃദയത്തോടെ ജനങ്ങള്ക്ക് വേണ്ടി പ്രവര്ത്തിക്കാന് തയ്യാറാണെന്നും പ്രമുഖ ബോളിവുഡ് താരം കങ്കണ റണാവത്ത്. ഹിമാചലിലെ മാണ്ഡിയില് എന്ഡിഎ സ്ഥാനാര്ത്ഥിയാണ് അവര്.
20 വര്ഷമായി ഞാന് സിനിമാ മേഖലയില് പ്രവര്ത്തിക്കുന്നു. ഞാന് ബിജെപി നേതാവ് അല്ല, ജനങ്ങളെ സേവിക്കാന് താല്പ്പര്യമുള്ള സ്ഥാനാര്ത്ഥിയാണ്. നേതാജി സുഭാഷ് ചന്ദ്രബോസിന്റെ ആരാധികയാണ് ഞാന്. കങ്കണ പറയുന്നു.
‘മോദി സര്ക്കാരിന്റെ വികസന പദ്ധതികളെ കുറിച്ച് ജനങ്ങളെ അറിയിക്കുന്നതാണ് ബിജെപിയുടെ തെരഞ്ഞെടുപ്പ് പ്രചാരണം. പ്രധാനമന്ത്രിക്ക് ജനങ്ങളോട് പറയാനുള്ള സന്ദേശമാണ് ഞങ്ങള് തെരഞ്ഞെടുപ്പ് പ്രചാരണത്തിലൂടെ ജനങ്ങളെ അറിയിക്കുന്നത്. കങ്കണ പറഞ്ഞു.
