പെരുമ്പാവൂര്: ദേശസ്നേഹത്താല് രണഭൂമിയില് പൊരുതുന്നവര്ക്ക് ജാതിയും മതവും
അല്ല രാജ്യത്തിന്റെ അഖണ്ഡതയാണ് ലക്ഷ്യമെന്ന് ബിജെപി സംസ്ഥാന ഉപാധ്യക്ഷന് മേജര് രവി പറഞ്ഞു.
പൗരന്മാര് നേരിട്ട് പോര്മുഖത്ത് വരുന്ന പാര്ലമെന്റ് തെരഞ്ഞെടുപ്പിലും ജാതിമത ചിന്തകള് മാറ്റിവെച്ച് ഒരേ ഒരു ഭാരതം എന്ന ആശയത്തിന് വോട്ട് നല്കണമെന്ന് അദ്ദേഹം ആഹ്വാനം ചെയ്തു പെരുമ്പാവൂരില് എന്ഡിഎ നിയോജകമണ്ഡലം തെരഞ്ഞെടുപ്പ് കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
എന്ഡിഎ നിയോജക മണ്ഡലം ചെയര്മാന് ഒ.സി.അശോകന് അധ്യക്ഷത വഹിച്ചു.ബിജെപി മധ്യമേഖല ജനറല് സെക്രട്ടറി വി.എന്.വിജയന് മുഖ്യപ്രഭാഷണം നടത്തി. എന് ഡി എ സ്ഥാ
നാര്ഥി കെ. എ. ഉണ്ണികൃഷ്ണന്, ബിജെപി സംസ്ഥാന സെക്രട്ടറി രേണു സുരേഷ്, ബിജെപി ജില്ലാ വൈസ് പ്രസിഡന്റ് എം. എ. ബ്രഹ്മരാജ്, ബിഡിജെഎസ് മണ്ഡലം പ്രസിഡന്റ് കെ. എ. മോഹന്
കുമാര്, ബി ജെ പി മണ്ഡലം പ്രസിഡന്റ് പി. അനില്കുമാര്, അഡ്വ. വി. ആര്. സുധീര്, ആര്. അജിത്, മനോജ് കപ്രക്കാട്ട്, പി. കെ. സത്യന്, ശുചീന്ദ്രന്. ആര്. രാജേഷ്, സുനില് മാളിയേക്കല്, അജില് കുമാര് മനയത്ത്, എം പി ജയ്സണ്,തുടങ്ങിയവര് പ്രസംഗിച്ചു.
എന്ഡിഎ സ്ഥാനാര്ത്ഥിയുടെ വിജയത്തിനായി 101 അംഗ മാനേജ്മെന്റ് കമ്മിറ്റിയെ കണ്വന്ഷനില് പ്രഖ്യാപിച്ചു. കാളിദാസ് കെ ചെട്ടികുളങ്ങര രചിച്ച കേന്ദ്രസര്ക്കാരിന്റെ വാഗ്ദാനങ്ങളും സഫലീകരണവും എന്ന പുസ്തകം മേജര് രവി ചടങ്ങില് പ്രകാശനം ചെയ്തു.
