കൊച്ചി: പ്രശസ്ത ഗൈനക്കോളജിസ്റ്റ് തിരുമുപ്പത്തു വാരിയത്ത് ഡോ. ശാന്ത വാരിയര് (84) അന്തരിച്ചു.
പ്രശസ്ത ശിശുരോഗവിദഗ്ധന് ഡോ. കെ.കെ.ആര്.വാരിയരുടെ ഭാര്യയാണ്. സംസ്കാരം ഇന്ന് രാവിലെ 10ന് കോലഞ്ചേരി കറുകപ്പിള്ളി വാരിയത്ത്. പത്തു വര്ഷത്തോളം സര്ക്കാര് സര്വീസില് ജോലി ചെയ്തിരുന്നു. 1979ല് ഡോ. ശാന്തയും ഡോ. കെ.കെ.ആര്.വാരിയരും ചേര്ന്ന് എറണാകുളത്തെ ലക്ഷ്മി ഹോസ്പിറ്റല് സ്ഥാപിച്ചു. മുപ്പതിനായിരത്തിലേറെ പ്രസവങ്ങളെടുത്ത ഡോക്ടര് എന്ന അപൂര്വ ബഹുമതിക്ക് ഉടമയാണ് ഡോ. ശാന്ത.
മക്കള്: ടി.ആര്.പ്രദീപ് (അനു), ഡോ. ടി.ആര്.പ്രമോദ് വാരിയര്. മരുമകള്: എം.എസ്.രതി (മഴുവന്നൂര് വാരിയം). ഡോ. ശാന്താ വാരിയരുടെ നിര്യാണത്തില് ആര്എസ്എസ് സര്കാര്യവാഹ് ദത്താത്രേയ ഹൊസബാളെ അനുശോചനം അറിയിച്ചു.
