കോട്ടയം: കോട്ടയത്തെ എന്.ഡി.എ സ്ഥാനാര്ത്ഥി തുഷാര് വെള്ളാപ്പള്ളി ഏപ്രില് മൂന്നിന് നാമനിര്ദേശ പത്രിക നല്കും. ജില്ലാ വരണാധികാരി കൂടിയായ കളക്ടര് വി. വിഘ്നേശ്വരിക്കു മുന്നില് മൂന്നാം തീയതി 12 മണിക്ക് ആണ് പത്രികാ സമര്പ്പണം. അതേസമയം തിരഞ്ഞെടുപ്പ് പത്രിക സമര്പ്പിക്കാനുള്ള ആദ്യ ദിവസമായിരുന്ന ഇന്നലെ ഒരു പത്രിക മാത്രമാണ് ലഭിച്ചത്. സ്വതന്ത്ര സ്ഥാനാര്ത്ഥിയായി ജോമോന് ജോസഫ് ആണ് പത്രിക നല്കിയത്. ചങ്ങനാശ്ശേരി സ്വദേശിയായ ജോമോന് ചങ്ങനാശ്ശേരി, പാലാ, കോന്നി, തൃക്കാക്കര നിയമസഭ മണ്ഡലങ്ങളില് മുമ്പ് മത്സരിച്ചിട്ടുണ്ട്. എന്.ഡി.എ സ്ഥാനാര്ത്ഥി തുഷാര് വെള്ളാപ്പള്ളിയുടെ പ്രചാരണപ്രവര്ത്തനങ്ങള് മണ്ഡലത്തില് ഊര്ജിതമായാണ് നടക്കുന്നത്. സോഷ്യല്മീഡിയയിലും പ്രചാരണം സജീവമാണ്. ദുഖവെള്ളിയാഴ്ച ദിവസം ഗൃഹസന്ദര്ശനങ്ങള് പരിമിതപ്പെടുത്തി.
കോട്ടയത്ത് ആദ്യം പത്രിക സമര്പ്പിച്ചത് പതിവു സ്വതന്ത്രന്, തുഷാര് ഏപ്രില് മൂന്നിന് പത്രിക നല്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.