സിംഗപ്പൂര്: എഫ്ഐബിഎ 3-3 ബാസ്കറ്റ്ബോള് ഏഷ്യാ കപ്പ് 2024 യോഗ്യതാ മത്സരത്തില് ഭാരത പുരുഷ ടീം മാലദ്വീപിനെയും മക്കാവുവിനെയും തോല്പ്പിച്ചു. യോഗ്യതയിലെ അവസാന റൗണ്ട് മത്സത്തില് മലേഷ്യയെ നേരിടും.
സിംഗപ്പൂര് സ്പോര്ട്സ് ഹബ്ബിലെ ലോകപ്രശസ്തമായ ഒസിബിസി സ്ക്വയറില് നടന്ന മത്സരത്തില് മാലദ്വീപിനെ 21-10നാണ് തോല്പ്പിച്ചത്. മറ്റൊരു മത്സരത്തില് മക്കാവുവിനെ 21-13നും തോല്പിച്ചു, അവസാന 16- യോഗ്യതകു വേണ്ടി മലേഷ്യയെ നേരിടണം.
വനിതാ വിഭാഗത്തില് വടക്കന് മരിയാന ദ്വീപിനെതിരെ 21-1 സ്കോറിന്റെ അനായാസ വിജയം നേടി. 11 പോയിന്റ് നേടിയ ക്യാപ്റ്റന് അനീഷ ക്ലീറ്റസ് ടോപ് സ്കോററായി.
അവസാന 16-ലേക്ക് കടക്കാന് ഇന്തോനേഷ്യയ്ക്കും ഹോങ്കോങ്ങിനുമെതിരെ വിജയം നേടണം. പുരുഷന്മാരുടെ മത്സരത്തില് ഷെക്കോണ് 2 മത്സരങ്ങളില് നിന്ന് 12 പോയിന്റ് നേടിയപ്പോള് പ്രണവും പ്രിന്സിപ്പലും 10 പോയിന്റ് വീതം നേടി.
