ഇന്ത്യൻ ബാങ്കിൽ സ്പെഷ്യലിസ്റ്റ് ഓഫീസർ തസ്തികകളിൽ ഒഴിവുകൾ

ചെന്നൈ ആസ്ഥാനമായി പ്രവർത്തിക്കുന്ന പൊതുമേഖലാ ബാങ്കായ ഇന്ത്യൻ ബാങ്കിലേക്ക് അപേക്ഷ ക്ഷണിച്ചു. സ്പെഷ്യലിസ്റ്റ് ഓഫീസർമാരുടെ തസ്തികയിലേക്കാണ് അപേക്ഷ ക്ഷണിച്ചിരിക്കുന്നത്. ചീഫ് മാനേജർ, സീനിയർ മാനേജർ, അസിസ്റ്റന്റ് മാനേജർ, മാനേജർ എന്നിങ്ങനെ 146 തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്.

സ്‌കെയിൽ-I മുതൽ സ്‌കെയിൽ-IV വരെ ശമ്പള സ്‌കെയിലുള്ള തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. സ്‌കെയിൽ-I തസ്തികകളിൽ 36,000-63,840 രൂപയും സ്‌കെയിൽ II 48,170-69,810 രൂപയും സ്‌കെയിൽ III 63,840-78,230 രൂപയും സ്‌കെയിൽ IV 76010-89890 രൂപയുമാണ ശമ്പള സ്‌കെയിൽ.

തിരഞ്ഞെടുപ്പിനായി നടത്തുന്ന പരീക്ഷയ്‌ക്ക് കൊച്ചിയിലും തിരുവനന്തപുരത്തും പരീക്ഷാ കേന്ദ്രങ്ങളുണ്ടാകും. 1,000 രൂപയാണ് അപേക്ഷാ ഫീസ്. വിശദവിവരങ്ങൾക്ക് https://indianbank.in എന്ന വെബ്സൈറ്റ് സന്ദർശിക്കുക. ഓൺലൈനായാണ് അപേക്ഷ സമർപ്പിക്കേണ്ടത്. അപേക്ഷ സമർപ്പിക്കേണ്ട അവസാന തീയതി ഏപ്രിൽ ഒന്നാണ്.