ആറ്റിങ്ങല്: പെരുമാറ്റച്ചട്ട ലംഘനം സംബന്ധിച്ച പരാതിയെക്കുറിച്ച് അറിയില്ലെന്ന് ആറ്റിങ്ങൾ ലോക് സഭാ മണ്ഡലത്തിലെ എൻഡിഎ സ്ഥാനാർത്ഥി വി.മുരളീധരന്. തിരഞ്ഞെടുപ്പു കമ്മിഷന് ചോദിച്ചാല് മറുപടി നല്കും. സിപിഎമ്മിന്റെ വിരട്ടല് തനിക്ക് ഏല്ക്കില്ലെന്നും മുരളീധരൻ പറഞ്ഞു.
ഇരുപത്തിയൊന്നാം വയസില് കള്ളക്കേസില് കുടുക്കാന് ശ്രമിച്ച് സിപിഎം പരാജയപ്പെട്ടതാണ്. അതൊന്നും ഇപ്പോള് ഏല്ക്കില്ലെന്നും മുരളീധരന് കൂട്ടിച്ചേർത്തു. ഇടതുമുന്നണിയാണ് തിരഞ്ഞെടുപ്പ് കമ്മീഷന് പരാതി നല്കിയത്. വിഗ്രഹത്തിന്റെ ചിത്രം ഉപയോഗിച്ചത് പെരുമാറ്റച്ചട്ടത്തിന്റെ ലംഘനമെന്നാണ് പരാതിയില് ഉന്നയിക്കുന്നത്.
തിരുവനന്തപുരം വര്ക്കലയില് സ്ഥാപിച്ച ബോര്ഡുകള്ക്കെതിരെയാണ് എല്ഡിഎഫ് പരാതി നല്കിയത്.
