കൊല്ക്കത്ത: ഇന്ത്യന് പ്രീമിയര് ലീഗ് 2024 സീസണില് മത്സരത്തിനിടെ പുകവലിച്ച് വിവാദത്തിലായി ബോളിവുഡ് താരം ഷാരൂഖ് ഖാന്. കൊല്ക്കത്ത നൈറ്റ് റൈഡേഴ്സ് – സണ്റൈസേഴ്സ് ഹൈദരാബാദ് മത്സരം കാണാന് സ്റ്റേഡിയത്തിലെത്തിയപ്പോഴാണ് സംഭവം.
കൊല്ക്കത്ത ടീം ഉടമ കൂടിയായ ഷാരൂഖ് ഖാന് ഖാന് ആരാധകരെ ആവേശത്തിലാഴ്ത്തിയെങ്കിലും പരസ്യമായി പുകവലിച്ചത് ആരാധകരുടെ വിമര്ശനത്തിന് കാരണമായിരിക്കുകയാണ്. പോണി ടെയില് ഹെയര്സ്റ്റൈലുമായി കിംഗ് ഖാന് സ്റ്റേഡിയത്തിലെത്തിയത്. തുടര്ന്ന് ആരാധകര്ക്ക് ഫ്ലെയിംഗ് കിസ് നല്കി അവരെ കയ്യിലെടുത്തെങ്കിലും പിന്നാലെ സ്റ്റേഡിയത്തിലിരുന്ന് പുകവലിക്കുകയായിരുന്നു. ഇതിന്റെ ദൃശ്യങ്ങള് പുറത്തുവന്നതോടെ വിവാദത്തിലായിരിക്കുകയാണ് ഷാരൂഖ് ഖാന്.
ഐപിഎല് മത്സരത്തിനിടെ ഷാരൂഖ് ഖാന് പുകവലിക്കുന്ന ദൃശ്യങ്ങളും ചിത്രങ്ങളും പുറത്തുവന്നതോടെ ഷെയിം ഓണ് യു എസആര്കെ ഹാഷ് ടാഗുകളും സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്. നേരത്തേയും ഷാരൂഖ് സ്റ്റേഡിയത്തില് പരസ്യമായി പുകവലിച്ചിട്ടുണ്ട്. അന്ന് ഷാരൂഖിനെ കര്ശനമായി താക്കീത് ചെയ്തിരുന്നു.
ശനിയാഴ്ച നടന്ന സണ്റൈസേഴ്സ് ഹൈദരാബാദിനെതിരെ കൊല്ക്കത്ത നൈറ്റ് റൈഡേഴ്സ് 4 റണ്സ് ജയമാണ് മത്സരത്തില് സ്വന്തമാക്കിയത്.
