കോട്ടയം: മോട്ടോര് വാഹന വകുപ്പിന്റെ നോട്ടീസ് കണ്ട് ശശികുമാര് ഞെട്ടിപ്പോയി! 2017ല് 87-ാം വയസ്സില് മരിച്ച പിതാവ് ഹെല്മറ്റ് ധരിക്കാതെ ഇരുചക്രവാഹനം ഓടിച്ചെന്നു കാണിച്ച് പിഴയൊടുക്കാനുള്ളതായിരുന്ന ആ നോട്ടീസ്.
വൈക്കം ഉദയനാപുരം രാമനിലയത്തില് സുകുമാരന്നായര് സുകുമാരന് നായര് കഴിഞ്ഞ ഡിസംബറില് ഹെല്മറ്റില്ലാതെ തൊടുപുഴ വെങ്ങല്ലൂര് വഴി രാത്രി 12.30ന് ഇരുചക്ര വാഹനം ഓടിച്ചെന്നാണ് നോട്ടീസില് പറഞ്ഞിരിക്കുന്നത്. പിഴ 500 രൂപ അടയ്ക്കണം. വാഹന നമ്പറും ദൃശ്യവും അടക്കമാണ് നോട്ടിസെത്തിയത്.
ഒരു സൈക്കിള് മാത്രമാണു സുകുമാരന് നായര്ക്ക് ഉണ്ടായിരുന്നതെന്ന് മകന് പറഞ്ഞു. മറ്റൊരു വാഹനവും ഓടിക്കാന് അറിയില്ലായിരുന്നു. വൈക്കം ആര്.ടി ഓഫിസുമായി ബന്ധപ്പെട്ടപ്പോള് തൊടുപുഴ ഓഫീസിനെ സമീപിക്കണമെന്ന നിര്ദേശിക്കുകയായിരുന്നു. പരാതി ഇ മെയില് ചെയ്ത് കാത്തിരിക്കുകയാണ് ശശികുമാര്.
